ബഹ്റൈൻ സമ്പദ്​വ്യ​വ​സ്ഥ​; ഈ വർഷം 2.7 ശതമാനം വളർച്ചയുണ്ടാകുമെന്ന് റിപ്പോർട്ട്

മനാമ – ബഹ്റൈൻ സമ്പദ്​വ്യ​വ​സ്ഥ​യി​ൽ ഈ വർഷം 2.7 ശതമാനവും 2026 ൽ 3.3 ശതമാനവും വളർച്ച പ്രതീക്ഷിക്കുന്നതായി അറബ് മോണിറ്ററി ഫണ്ടിൻ്റെ റിപ്പോർട്ട്. സാമ്പത്തിക വളർച്ച പ്രധാനമായും എണ്ണ ഇതര മേഖലകളെ അടിസ്ഥാനമാക്കിയാണ്. രാജ്യത്തിൻ്റെ ഭൂരിഭാഗം ഉൽപാദനവും ഈ മേഖലയിൽ നിന്നാണ്. റോഡുകൾ, ആധുനിക ധനകാര്യം, ലോജിസ്റ്റിക്സ്, ടൂറിസം തുടങ്ങിയ മേഖലകളിലെ നിക്ഷേപവും വളർച്ചക്ക് സഹായിക്കുന്നു.

എണ്ണ, ടൂറിസം, അലുമിനിയം എന്നിവയിൽ നിന്നുള്ള വിദേശനാണ്യ വരുമാനത്തിൻ്റെ പിൻബലത്തിൽ രാജ്യത്തിൻ്റെ കറൻ്റ് അ​ക്കൗ​ണ്ടി​ൽ ആരോഗ്യകരമായ മിച്ചം നിലനിർത്താൻ കഴിയുമെന്നാണ് പ്രവചിക്കപ്പെടുന്നത്. അറബ് ലോകമെമ്പാടും 2024 ലെ 2.2 ശതമാനത്തിൽ നിന്ന് 2025 ൽ 3.8 ശതമാനവും 2026 ൽ 4.3 ശതമാനവും വളർച്ച പ്രതീക്ഷിക്കുന്നു.

മലയാളം ന്യൂസ് വാട്സാപ്പ് ചാനലിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുക