ജിദ്ദ – ഉത്തര സൗദിയിലെ അല്ഹദീസ അതിര്ത്തി പോസ്റ്റ് വഴി ലോറികളില് ഒളിപ്പിച്ച് കടത്താന് ശ്രമിച്ച വന് മയക്കുമരുന്ന് ശേഖരം സകാത്ത്, ടാക്സ് ആന്റ് കസ്റ്റംസ് അതോറിറ്റി പിടികൂടി. കെട്ടിട നിര്മാണ ആവശ്യങ്ങള്ക്കുള്ള കല്ലുകള് കയറ്റിവന്ന മൂന്നു ലോറികളില് നിന്ന് 3,68,232 ലഹരി ഗുളികകളാണ് അധികൃതര് പിടികൂടിയത്.
കല്ലുകള്ക്കകത്തുണ്ടാക്കിയ ദ്വാരങ്ങളില് ഒളിപ്പിച്ച മയക്കുമരുന്ന് സുരക്ഷാ സാങ്കേതികവിദ്യകളും പോലീസ് നായ്ക്കളെയും ഉപയോഗിച്ച് നടത്തിയ പരിശോധനയിലാണ് കണ്ടെത്തിയത്. മയക്കുമരുന്ന് ശേഖരം പിടികൂടിയ ശേഷം, ജനറല് ഡയറക്ടറേറ്റ് ഓഫ് നാര്കോട്ടിക്സ് കണ്ട്രോളുമായി ഏകോപനം നടത്തി രണ്ടു പേരെ അറസ്റ്റ് ചെയ്തതായും സകാത്ത്, ടാക്സ് ആന്റ് കസ്റ്റംസ് അതോറിറ്റി അറിയിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group