റിയാദ്- റിയാദിൽ മലയാളി യുവാവ് ഹൃദയാഘാതം മൂലം മരണപ്പെട്ടു. എറണാകുളം ആലുവ കൊമ്പറ നോച്ചിമ തയ്യിൽ വീട്ടിൽ ലത്തീഫിന്റെ മകൻ ഷമീർ (36) ആണ് മരണപ്പെട്ടത്. റിയാദിൽ ഡ്രൈവറായി ജോലി ചെയ്ത് വരികയായിരുന്നു
ഉച്ചയ്ക്ക് ഭക്ഷണം കഴിച്ച് ഉറങ്ങാൻ കിടന്നതായിരുന്നു ഷമീർ. തുടർന്ന് വൈകീട്ട് റൂമിലെ സുഹൃത്തുക്കൾ വിളിച്ചപ്പോൾ അബോധാവസ്ഥയിൽ കണ്ടെത്തുകയായിരുന്നു. ഉടൻ തന്നെ സുഹൃത്തുക്കൾ റെഡ് ക്രെസന്റിനെ ബന്ധപ്പെടുകയും അടിയന്തിര ചികിത്സ നൽകി ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. റിയാദ് കിംഗ് ഫൈസൽ ഹോസ്പിറ്റലിൽ വെച്ചായിരുന്നു മരണം.
മാതാപിതാക്കൾ: പരേതരായ ലത്തീഫ്, മറിയുമ്മ. ഭാര്യ മുർഷിദ.
മരണാനന്തര നടപടി ക്രമങ്ങൾ റിയാദ് കെ.എം.സി.സി വെൽഫെയർ വിങ്ങ് ചെയർമാൻ റഫീഖ് മഞ്ചേരിയും റിയാദ് എറണാകുളം കെ.എം.സി.സി ജില്ലാ പ്രസിഡന്റ് ഉസ്മാൻ പരീത്, സമീർ ആലുവ, സുഹൃത്ത് സുൽഫി എന്നിവരുടെ നേതൃത്വത്തിൽ നടന്നു വരുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group