ദമാം- മലയാള സിനിമയുടെ പ്രിയ താരം ടൊവിനോ തോമസും തമിഴ് സിനിമയുടെ മുഖശ്രീയായ കയാഡു ലോഹാറും ദമ്മാം സീക്കോ ഹൈപ്പർ അൽ വഫയിലേക്ക് എത്തുന്നു. മലയാള സിനിമാ ചരിത്രത്തിൽ ആദ്യമായി ഒരു സിനിമയുടെ എക്സ്ക്ലൂസീവ് ട്രെയിലർ ലോഞ്ച് ഇന്ത്യക്ക് പുറത്ത് നടത്തപ്പെടുന്ന ആ അപൂർവ്വ നിമിഷത്തിന് ഹൈപ്പർ അൽ വഫ സാക്ഷ്യം വഹിക്കുകയാണ്.
‘ജനഗണമന’ എന്ന ചിത്രത്തിലൂടെ ഇന്ത്യൻ സിനിമാ മേഖലയിലുടനീളം ശ്രദ്ധ നേടിയ പ്രിയ സംവിധായകൻ ഡിജോ ജോസ് ആന്റണിയും ‘പള്ളിച്ചട്ടമ്പി’യുടെ ട്രെയിലർ ലോഞ്ചുമായി ഈ മെഗാ ഷോയിൽ പങ്കെടുക്കുന്നു.
ഹൈപ്പർ അൽ വഫയും ഡിജിറ്റൽ ഡൈനോയും സംയുക്തമായി നടത്തുന്ന ഈ പരിപാടിയിലേക്ക് പ്രവേശനം തികച്ചും സൗജന്യമാണ്. ഏപ്രിൽ 2 വ്യാഴാഴ്ച വൈകിട്ട് 8 മണി മുതൽ ദമ്മാം സീക്കോ ഹൈപ്പർ അൽ വഫയിൽ വെച്ച് നടക്കുന്ന ഈ സിനിമാ വിരുന്നിലേക്ക് ഏവർക്കും സ്വാഗതം.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group