തിരുവനന്തപുരം- ലോക ഫുട്ബോൾ ഇതിഹാസം ക്രിസ്റ്റ്യാനോ റൊണാൾഡോയുടെ വിരമിക്കലിൽ വൈകാരിക കുറിപ്പ് പങ്കുവെച്ച് മുഖ്യമന്ത്രി വി.ഡി സതീശൻ. ഇന്നാണ് രാജ്യാന്തര ഫുട്ബോളിൽനിന്ന് വിരമിക്കുന്നതായി ക്രിസ്റ്റ്യാനോ റൊണാൾഡോ പ്രഖ്യാപനം നടത്തിയത്.
മുഖ്യമന്ത്രിയുടെ കുറിപ്പ് വായിക്കാം.
പ്രിയപ്പെട്ട ക്രിസ്റ്റ്യാനോയ്ക്ക്,
നന്ദി, ഫുട്ബോളിനെ കവിത പോലെ മനോഹരമാക്കിയതിന്, നിങ്ങളുടെ കാൽപന്തിന്റെ മായാജാലം കൊണ്ട് സ്റ്റേഡിയങ്ങളെ ആവേശക്കടലാക്കിയതിന്, അതിരുകളില്ലാതെ സ്വപ്നം കാണാൻ തലമുറകളെ പഠിപ്പിച്ചതിന്. പോർച്ചുഗലിന്റെ കുപ്പായത്തോട് വിടപറയുമ്പോൾ, റെക്കോർഡുകൾക്കും ഗോളുകൾക്കും കിരീടങ്ങൾക്കും അപ്പുറമുള്ള ഒന്നാണ് നിങ്ങൾ ബാക്കിവെക്കുന്നത്. ഫുട്ബോൾ വെറുമൊരു കളിയല്ല, ഒരു ജീവിതരീതിയായി നെഞ്ചിലേറ്റുന്ന കോടിക്കണക്കിന് ആളുകളുടെ, പ്രത്യേകിച്ച് മലയാളി ഫുട്ബോൾ പ്രേമികളുടെ ഹൃദയത്തിൽ കൊത്തിവെച്ച വലിയൊരു പ്രഭാവമാണത്.
കഠിനാധ്വാനവും തളരാത്ത നിശ്ചയദാർഢ്യവും ഓരോ വീഴ്ചയ്ക്ക് ശേഷവും കൂടുതൽ ശക്തമായി തിരിച്ചുവരാനുള്ള കരുത്തും ഉണ്ടെങ്കിൽ ഏതൊരു സാധാരണക്കാരനും അസാധാരണമായ ഉയരങ്ങൾ കീഴടക്കാം എന്ന് നിങ്ങൾ ലോകത്തിന് കാണിച്ചുതന്നു. നിങ്ങളുടെ പോരാട്ടവീര്യം ലക്ഷക്കണക്കിന് ചെറുപ്പക്കാരെ വലിയ സ്വപ്നങ്ങൾ കാണാനും, ജീവിതത്തിൽ ഒരിക്കലും തോറ്റുകൊടുക്കാതിരിക്കാനും പ്രചോദിപ്പിച്ചു.
To the Legend Who Turned Football into Poetry Dear Cristiano, Thank you for turning football into poetry, for making stadiums tremble with your magical feet, and for teaching generations to dream without limits. As you bid farewell to the Portugal jersey, you leave behind more than records, goals and trophies. You leave a legacy etched in the hearts of millions, especially Malayalis, for whom football is not merely a game but a way of life. You proved to the world that extraordinary hard work, unwavering determination and the courage to rise after every fall can take an ordinary person to extraordinary heights. Your fighting spirit has inspired millions of young minds to dream bigger and never surrender. In the muddy playgrounds of our villages, countless children chased dreams inspired by your iconic number 7. Every goal, every victory and even every tear of yours became a part of our own emotions. We may no longer witness your brilliance in Portuguese colours, but you will forever remain in the hearts of those who fell in love with football through you. Thank you, Cristiano, for the magic, the memories and the dreams. You may have left the international stage, but legends like you never leave our hearts. Once a legend, forever an inspiration. @Cristiano #CristianoRonaldo #CR7 #VDSatheesan
— V D Satheesan (@vdsatheesan) November 5, 2026
ഞങ്ങളുടെ ഗ്രാമങ്ങളിലെ ചെളിനിറഞ്ഞ മൈതാനങ്ങളിൽ, നിങ്ങളുടെ ഐക്കണിക് നമ്പർ 7 ജേഴ്സിയുടെ പ്രചോദനത്തിലാണ് അനേകം കുട്ടികൾ സ്വപ്നങ്ങൾക്ക് പുറകെ ഓടിയത്. നിങ്ങളുടെ ഓരോ ഗോളും, ഓരോ വിജയവും, എന്തിനേറെ ഓരോ തുള്ളി കണ്ണീരും പോലും ഞങ്ങളുടെ സ്വന്തം വികാരങ്ങളുടെ ഭാഗമായിരുന്നു. പോർച്ചുഗൽ ജേഴ്സിയിലുള്ള നിങ്ങളുടെ വിസ്മയങ്ങൾ ഇനി കണ്ടേക്കില്ലായിരിക്കാം, എന്നാൽ നിങ്ങളിലൂടെ ഫുട്ബോളിനെ പ്രണയിച്ചു തുടങ്ങിയവരുടെ ഹൃദയങ്ങളിൽ നിങ്ങൾ എന്നും ജീവിക്കും.
ആ മായാജാലത്തിനും, മനോഹരമായ ഓർമ്മകൾക്കും, തന്ന സ്വപ്നങ്ങൾക്കും നന്ദി ക്രിസ്റ്റ്യാനോ. അന്താരാഷ്ട്ര ഫുട്ബോൾ വേദിയിൽ നിന്ന് നിങ്ങൾ പടിയിറങ്ങുന്നുണ്ടാകാം, എന്നാൽ നിങ്ങളെപ്പോലുള്ള ഇതിഹാസങ്ങൾ ഞങ്ങളുടെ ഹൃദയങ്ങളിൽ നിന്ന് ഒരിക്കലും മാഞ്ഞുപോകില്ല.
ഒരിക്കൽ ഇതിഹാസമായവൻ, എന്നും ഒരു പ്രചോദനമാണ്.