ജിദ്ദ- സൗദി അറേബ്യയിൽ സന്ദർശനം നടത്തുന്ന വേങ്ങര ടൗൺ പൗരസമിതി പ്രസിഡന്റ് എം.കെ റസാക്കിന് ജിദ്ദ- വേങ്ങര പൗരസമിതി കൂട്ടായ്മ സ്വീകരണം നൽകി. നെല്ലാടൻ മുഹമ്മദ് ഹാജിയുടെ അദ്ധ്യക്ഷത വഹിച്ചു. മുൽത്താൻ കുഞ്ഞാവ ബൊക്കെ നൽകി സ്വീകരിച്ചു. ലത്തീഫ് അൽ – അബീർ, ചുക്കൻ അശ്റഫ്, ആലുങ്ങൽ മുഹമ്മദ്, മുസ്തഫ കൈതക്കോടൻ തുടങ്ങിയവർ ആശംസകൾ നേർന്ന് സംസാരിച്ചു.
മയക്ക് മരുന്ന്-ലഹരി മാഫിയകളുടെ കെണിയിൽ നമ്മുടെ യുവാക്കൾ അകപ്പെടുന്നതിനെതിരെ സമൂഹത്തിൽ നിരന്തരം ബോധവൽക്കരണ പ്രവർത്തനങ്ങൾ നടത്തുന്നതിന് എല്ലാ രാഷ്ട്രീയ- സമൂഹിക സംഘടനകളും പ്രവാസി സംഘടനകളും തയ്യാറാവണമെന്ന് സ്വീകരണത്തിന് നന്ദി പറഞ്ഞ് കൊണ്ട് എം.കെ. റസാക്ക് അഭ്യർത്ഥിച്ചു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group