ലണ്ടന്‍-ബ്രിട്ടന്റെ നൂറ്റിപ്പതിനാറ് വര്‍ഷങ്ങളുടെ ചരിത്രത്തിലാദ്യമായി ഒരു വനിത ചാര സംഘടനയുടെ തലപ്പത്തേക്ക്. എംഐ-6 എന്ന പേരില്‍ അറിയപ്പെടുന്ന ദി സീക്രട്ട് ഇന്റലിജന്‍സ് സര്‍വ്വീസ് (എസ്‌ഐഎസ്) എന്ന ബ്രിട്ടീഷ് രഹസ്യ സംഘടനയുടെ മേധാവിയായി ബ്ലെയിസ് മെട്രേവലിയാണ് നിയമിതയായത്.
നാല്‍പ്പത്തിയേഴുകാരിയായ ബ്ലെയിസ് 1999-ലാണ് മിലിറ്ററി ഇന്റലിജന്‍സ് സര്‍വ്വീസില്‍ ചേര്‍ന്നത്. കെയിംബ്രിഡ്ജ് സര്‍വ്വകലാശാലയില്‍ നിന്ന് നരവംശ ശാസ്ത്രത്തില്‍ പഠനം പൂര്‍ത്തിയാക്കിയിട്ടുണ്ട്. മധ്യപൂര്‍വ്വേഷ്യയിലും യൂറോപ്പിലും നിരവധി വര്‍ഷങ്ങള്‍ സേവനം ചെയ്ത അനുഭവ സമ്പത്തും കൈമുതലായുണ്ട്. സംഘടനയുടെ പതിനെട്ടാമത് നേതൃപദവിയിലെത്തുന്ന വ്യക്തിത്വമാണ്. സാങ്കേതിക വിദ്യയുടെയും നവീകരണത്തിന്റേയും ചുമതലയില്‍ തുടരവേയാണ് പുതിയ നിയമനം. മിലിറ്ററി ഇന്റിലിജന്‍സ് സെക്ഷന്‍-ആറ് എന്നതിന്റെ ചുരുക്കപ്പേരാണ് എംഐ-6. 1909 ജൂലൈ നാലിന് തുടക്കം കുറിച്ച ഈ സംഘടനയുടെ ആസ്ഥാനം ലണ്ടനിലാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group