-മാർച്ച് 19 മുതൽ 22 വരെ, ഈദ് ഷോപ്പിംഗിനും മറ്റും 50 ശതമാനം കിഴിവിനൊപ്പം അവിശ്വസനീയ ഡീലുകളും
റിയാദ്: സൗദി അറേബ്യയിലെ എല്ലാ ലുലു സ്റ്റോറുകളിലും സമാനതകളില്ലാത്ത ഷോപ്പിങ് അനുഭവം വാഗ്ദാനം ചെയ്യുന്ന ‘ലുലു ഓൺ സെയിൽ കാമ്പയിൻ’ വീണ്ടുമെത്തുന്നു. മാർച്ച് 19 മുതൽ 22 വരെ നാല് ദിന ഷോപ്പിങ് ഫെസ്റ്റിവെലിൽ വൈവിധ്യമാർന്ന ഉൽപ്പന്നങ്ങളുടെ അതിവിപുല ശേഖരവും വമ്പിച്ച വിലക്കിഴിവും ഉണ്ടാകും. ഈദ് ഷോപ്പിങ്ങിനും മറ്റും 50 ശതമാനം കിഴിവും അവിശ്വസനീയ ഡീലുകളുമാണ് വാഗ്ദാനം ചെയ്യുന്നത്.
ഇത് രണ്ടാം തവണയാണ്, രാജ്യത്തെ ലുലു ഉപഭോക്താക്കൾക്ക് ഈ സവിശേഷ വിൽപനമേള ആസ്വദിക്കാൻ അവസരം ലഭിക്കുന്നത്. ഈദ് ആഘോഷങ്ങൾക്ക് ആവശ്യമായ എല്ലാറ്റിനും പുറമെ ദൈനംദിന അവശ്യവസ്തുക്കൾ, ഇലക്ട്രോണിക്സ്, ഫാഷൻ, വീട്ടുപകരണങ്ങൾ തുടങ്ങി നിരവധി ഉൽപ്പന്നങ്ങൾക്ക് 50 ശതമാനം വിലക്കിഴിവ് പ്രഖ്യാപിച്ചു.
റീട്ടെയിൽ മേഖലയിലെ ഏറ്റവും പ്രധാനപ്പെട്ട ഷോപ്പിങ് ഫെസ്റ്റിവലുകളിൽ ഒന്നായി ലുലു ഓൺ സെയിൽ മാറിക്കഴിഞ്ഞു. സമൂഹത്തിന്റെ നാനതുറകളിൽനിന്നുള്ള ഉപഭോക്താക്കളിൽനിന്ന് വ്യാപകമായ പങ്കാളിത്തമാണ് ഇതിന് ലഭിക്കുന്നത്. അവർക്ക് അത് ആവേശം പകരുകയും ചെയ്യുന്നു. വൻ വിജയമായിരുന്നു ആദ്യ ഫെസ്റ്റിവൽ. അതിനോളം പ്രതീക്ഷയോടെ കാത്തിരിക്കുന്ന ഉപഭോക്താക്കൾക്ക് ഇത്തവണ കൂടുതൽ ലാഭകരവും മികച്ച ഡീലുകളുമുള്ള ഷോപ്പിങ് അനുഭവമാണ് സമ്മാനിക്കുന്നത്. ഈദ് ആഘോഷങ്ങൾക്ക് ആവശ്യമായ പലചരക്ക് സാധനങ്ങൾ, പുതിയ ഉൽപ്പന്നങ്ങൾ, ബേക്കറി, മറ്റ് ഭക്ഷ്യവസ്തുക്കൾ എന്നിവ വാങ്ങുമ്പോൾ ഗണ്യമായ വിലക്കിഴിവും പ്രഖ്യാപിച്ചിട്ടുണ്ട്. ഗാഡ്‌ജെറ്റുകൾ, ടെലിവിഷനുകൾ, വീട്ടുപകരണങ്ങൾ എന്നിവക്ക് ശ്രദ്ധേയമായ കിഴിവുകൾ വാഗ്ദാനം ചെയ്യുന്നുണ്ട്.
ഫാഷൻ പ്രേമികൾക്ക് ബ്രാൻഡഡ് വസ്ത്രങ്ങൾ, ഫാഷൻ ആക്‌സസറികൾ, പാദരക്ഷകൾ, സ്‌പോർട്‌സ് വസ്ത്രങ്ങൾ, ബാഗുകൾ എന്നിവയിൽ മികച്ച വിലക്കിഴിവുകൾ പ്രതീക്ഷിക്കാം. പെരുന്നാൾ ആഘോഷിക്കാൻ തയ്യാറെടുക്കുന്നവർക്ക് ഗൃഹാലങ്കാരം, ആഭരണങ്ങൾ, സമ്മാനങ്ങൾ, ഉത്സവകാല അവശ്യവസ്തുക്കൾ എന്നിവയിൽ മികച്ച ഓഫറുകൾ ലഭിക്കും.
പണം തവണകളായി പണം അടയ്ക്കാനുള്ള സൗകര്യങ്ങൾ ഏർപ്പെടുത്തിയിട്ടുണ്ട്. ‘ടാബി’, ‘തമാറ’ എന്നീ ആപ്പുകളിലൊന്ന് തെരഞ്ഞെടുത്ത് തവണകളായി പണമടയ്ക്കാം. അല്ലെങ്കിൽ ‘അഖ്‌വാര’ എന്ന ആപ്പിലൂടെ അടവ് തവണ 36 മാസം വരെ നീട്ടാം. എല്ലാ ഉൽപ്പന്നങ്ങൾക്കും അവിശ്വസനീയമായ ഡീലുകളാണ് ഒരുക്കിയിരിക്കുന്നത്.