കുവൈത്ത് സിറ്റി – കുവൈത്ത് ജയിലില് നിന്ന് വിദേശിയടക്കം മൂന്ന് തടവുകാര് രക്ഷപ്പെട്ടു. അലി മനാഹി അല്സുബൈഇ (കുവൈത്തി), അഹ്മദ് മുഹമ്മദ് ഖാതിഅ് (വിദേശി), ഹസന് സാലിം അല്റശീദി (കുവൈത്തി) എന്നീ തടവുകാരാണ് രക്ഷപ്പെട്ടത്. സംഭവത്തെ കുറിച്ച് കുവൈത്ത് അധികൃതര് അന്വേഷണം ആരംഭിച്ചു. ഇവരെ വേഗത്തില് പിടികൂടാന് എല്ലാ സുരക്ഷാ വകുപ്പുകളോടും ക്രിമിനല് ഇന്വെസ്റ്റിഗേഷന് വകുപ്പിനോടും അധികൃതര് ആവശ്യപ്പെട്ടു. കുറ്റവാളികള് രക്ഷപ്പെടുന്നത് തടയാന് അവരുടെ വിവരങ്ങള് എല്ലാ അതിര്ത്തി പ്രവേശന കവാടങ്ങള്ക്കും കൈമാറിയിട്ടുണ്ട്.
.
പൊതുജനങ്ങള് ജാഗ്രത പാലിക്കണമെന്നും രക്ഷപ്പെട്ട തടവുകാരുമായി സമ്പര്ക്കം ഒഴിവാക്കണമെന്നും അവരുമായി ബന്ധപ്പെട്ട എന്തെങ്കിലും വിവരങ്ങള് ലഭിച്ചാല് അത് ഉടന് അറിയിക്കണമെന്നും അധികൃതര് അഭ്യര്ഥിച്ചു. തടവുകാരെ സഹായിക്കുകയോ ഒളിച്ചുകഴിയാന് കൂട്ടുനില്ക്കുകയോ ചെയ്യുന്നവര്ക്കെതിരെ നിയമനടപടികള് സ്വീകരിക്കുമെന്ന് അധികൃതര് മുന്നറിയിപ്പ് നല്കി.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group