ഇറാന്റെ ആക്രമണം; കടുത്ത അപലപനവുമായി കുവൈത്ത് വിദേശകാര്യ മന്ത്രാലയം

​കുവൈത്ത് സിറ്റി– ഇറാൻ നടത്തുന്ന ആവർത്തിച്ചുള്ള മിസൈൽ-ഡ്രോൺ ആക്രമണങ്ങളെ കടുത്ത ഭാഷയിൽ അപലപിച്ച് കുവൈത്ത്. ഇറാന്റെ ഭാഗത്തുനിന്നുള്ള ഇത്തരം ക്രൂരമായ നടപടികൾ മേഖലയിലെ സമാധാനം തകർക്കുന്ന അപകടകരമായ നീക്കമാണെന്നും കുവൈറ്റിന്റെ സുരക്ഷയ്ക്ക് നേരെയുള്ള നേരിട്ടുള്ള കടന്നുകയറ്റമാണെന്നും വിദേശകാര്യ മന്ത്രാലയം പ്രസ്താവനയിലൂടെ വ്യക്തമാക്കി. സാധാരണക്കാരുടെയും രാജ്യത്തെ തന്ത്രപ്രധാനമായ കേന്ദ്രങ്ങളുടെയും സുരക്ഷയ്ക്ക് ഇത് വലിയ ഭീഷണിയാണ് ഉയർത്തുന്നതെന്നും കുവൈത്ത് ചൂണ്ടിക്കാട്ടി.മേഖലയിലെ സംഘർഷങ്ങൾ ലഘൂകരിക്കാൻ അന്താരാഷ്ട്ര സമൂഹം ശ്രമിക്കുന്നതിനിടയിൽ ഇറാൻ നടത്തുന്ന ഇത്തരം ആക്രമണങ്ങൾ സമാധാന ശ്രമങ്ങളെ പാടെ തകിടം മറിക്കുന്നതാണെന്നും പ്രസ്താവനയിൽ വ്യക്തമാക്കി.