മക്ക – കത്തിയാളുന്ന വെയിലില് സൂര്യാഘാതമടക്കമുള്ള ആരോഗ്യ പ്രശ്നങ്ങള് നേരിട്ടും ക്ഷീണിച്ച് പരവശരായും ഹജ് കര്മ്മങ്ങള് നിര്വഹിക്കേണ്ടിവന്ന വര്ഷങ്ങള്ക്ക് താല്ക്കാലിക വിരാമം. ഇനി വേനല്ക്കാലത്ത് ഹജ് സീസണ് വരാന് 25 വര്ഷം പിന്നിടണം. നിരവധി വര്ഷങ്ങള്ക്കു ശേഷം ഈ കൊല്ലം മുതല് ഹജ് സീസണ് വസന്തകാലത്തായിരിക്കും. എട്ടു വര്ഷം ഹജ് സീസണ് വസന്തകാലത്തായിരിക്കുമെന്ന് ദേശീയ കാലാവസ്ഥാ കേന്ദ്രം വക്താവ് ഹുസൈന് അല്ഖഹ്താനി അറിയിച്ചു. ഏകദേശം 25 വര്ഷത്തിനു ശേഷം ഹജ് വീണ്ടും വേനല്ക്കാലത്തേക്ക് മടങ്ങും. ഹജ് സീസണില് പുണ്യസ്ഥലങ്ങളിലെ കാലാവസ്ഥ അവലോകനം ചെയ്യാനും പ്രവര്ത്തന സന്നദ്ധത വര്ധിപ്പിക്കാനും തീര്ഥാടകരുടെ സുരക്ഷയെ പിന്തുണക്കാനുമായി ബന്ധപ്പെട്ട വകുപ്പുകളുടെ പങ്കാളിത്തത്തോടെ മെയ് 6 ബുധനാഴ്ച ദേശീയ കാലാവസ്ഥാ കേന്ദ്രം കാലാവസ്ഥാ ആഘാത ശില്പശാല സംഘടിപ്പിക്കുമെന്ന് ഹുസൈന് അല്ഖഹ്താനി എക്സ് പ്ലാറ്റ്ഫോമിലെ പോസ്റ്റില് പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group