ജിദ്ദ– പ്രവാസി മലയാളി കൂട്ടായ്മയായ തിരുവനന്തപുരം സ്വദേശി സംഗമം (ടി.എസ്.എസ്) ജിദ്ദയിൽ സ്പോർട്സ് മീറ്റും ക്രിസ്മസ്–പുതുവത്സര ആഘോഷങ്ങളും സംഘടിപ്പിച്ചു. ഡിസംബർ 26-ന് ഹറാസാത്തിലെ അൽ ജസീറ വില്ലയിൽ നടന്ന പരിപാടിയിൽ ജനറൽ ബോഡി അംഗങ്ങളും കുടുംബാംഗങ്ങളും സജീവമായി പങ്കെടുത്തു.
സ്പോർട്സ് മീറ്റ് കൺവീനർ മൻസൂർ അബ്ദുൽ കലാം സ്വാഗതം ആശംസിച്ചു. ടി.എസ്.എസ് പ്രസിഡന്റ് തരുൺ രത്നാകരൻ കായിക മേളയുടെ ഫ്ലാഗ് ഓഫ് നിർവഹിച്ചു. ജനറൽ സെക്രട്ടറി ജാഫർ ഷരീഫ് ചടങ്ങിൽ ആശംസകൾ നേർന്നു.
കായിക മത്സരങ്ങൾക്കൊപ്പം തന്നെ ആഘോഷങ്ങൾക്ക് മാറ്റുകൂട്ടി അംഗങ്ങൾ അവതരിപ്പിച്ച വൈവിധ്യമാർന്ന കലാപരിപാടികളും അരങ്ങേറി. ക്രിസ്മസ് കരോൾ, കുട്ടികളും മുതിർന്നവരും പങ്കെടുത്ത നൃത്ത-സംഗീത വിരുന്നും പരിപാടിയെ വർണ്ണാഭമാക്കി.
വിവിധ കായിക ഇനങ്ങളിൽ നടന്ന വാശിയേറിയ മത്സരങ്ങളിൽ ‘തണ്ടർ ഹോക്സ്’ ടീം ചാമ്പ്യന്മാരായി. ‘ഫയർ ബ്ലേസേഴ്സ്’ ടീം റണ്ണർ അപ്പ് ട്രോഫി കരസ്ഥമാക്കി. വ്യക്തിഗത മികവിനുള്ള പുരസ്കാരങ്ങൾ താഴെ പറയുന്നവർ നേടി:
ബെസ്റ്റ് പ്ലെയർ (പുരുഷ വിഭാഗം): റിഹാൻ മൻസൂർ.
ബെസ്റ്റ് പ്ലെയർ (സ്ത്രീ വിഭാഗം): ഷാലത് ബിജു, മഞ്ജുഷ ജിനു.
ട്രഷറർ ഷാഹിൻ ഷാജഹാൻ നന്ദി അറിയിച്ചു. ടി.എസ്.എസ് എക്സിക്യൂട്ടീവ് അംഗങ്ങൾ പരിപാടികൾക്ക് നേതൃത്വം നൽകി.