ശഹീദേ മില്ലത്ത് ടിപ്പു സുൽത്താൻ​ ഖിസ്സപ്പാട്ട്’ പ്രകാശനം ചെയ്തു

ഷാർജ– പ്ര​വാ​സി എ​ഴു​ത്തു​കാ​ര​ൻ ന​സ്റു​ദ്ദീ​ൻ മ​ണ്ണാ​ർ​ക്കാ​ട് ര​ചി​ച്ച ‘‘ശ​ഹീ​ദേ മി​ല്ല​ത്ത് ടി​പ്പു സു​ൽ​ത്താ​ൻ ഖി​സ്സ​പ്പാ​ട്ട്’ പ്ര​കാ​ശ​നം ചെയ്തു. ഷാ​ർ​ജ അ​ന്താ​രാ​ഷ്ട്ര പു​സ്ത​കോ​ത്സ​വ​ത്തി​ൽ ച​രി​ത്ര​കാ​ര​നും കാ​ലി​ക്ക​റ്റ് സ​ർ​വ​ക​ലാ​ശാ​ല​യു​ടെ മു​ൻ വൈ​സ് ചാ​ൻസലറുമായ ഡോ. ​കെ.​കെ.​എ​ൻ. കു​റു​പ്പ് പ്ര​മു​ഖ കാ​ലി​ഗ്ര​ഫ​ര്‍ ഖ​ലീ​ലു​ല്ല ചെം​നാ​ടിന് പു​സ്ത​കം നൽകിയാണ് പ്രകാശനം നിർവഹിച്ചത്.

ഭ​ര​ണാ​ധി​കാ​രി​ക​ൾ ച​രി​ത്ര​ത്തെ വ​ക്രീ​ക​രി​ക്കു​ക​യും വ​ള​ച്ചൊ​ടി​ക്കുകയും ചെ​യ്യു​ന്ന കാ​ല​മാ​ണി​തെ​ന്ന്​ ഡോ. ​കെ.​കെ.​എ​ൻ. കു​റു​പ്പ് അ​ഭി​പ്രാ​യ​പ്പെ​ട്ടു.ഇ​ന്ത്യ​യി​ലെ ഉ​പ​നി​ഷ​ത്തു​ക​ൾ പേ​ർ​ഷ്യ​ൻ ഭാ​ഷ​യി​ലേ​ക്ക് പരി​ഭാ​ഷ​പ്പെ​ടു​ത്തി​യ മു​ഗ​ൾ ഭ​ര​ണാ​ധി​കാ​രി​ക​ളു​ടെ അ​തു​ല്യ സം​ഭാ​വനക​ളെ അ​വ​ഗ​ണി​ച്ച്, അ​വ​രെ മു​ഴു​വ​ൻ അ​തി​ക്ര​മി​ക​ളാ​യും വ​ർ​ഗീ​യ​വാ​ദികളായും ചി​ത്രീ​ക​രി​ക്കാ​നു​ള്ള ശ്ര​മ​ങ്ങ​ൾ ശ​ക്ത​മാ​ണ്. മു​സ്‍ലിം​ക​ളു​ടെ സം​ഭാ​വ​ന​ക​ളൊ​ന്നും ഇന്ത്യയി​ൽ ഉ​ണ്ടാ​യി​ട്ടി​ല്ലെ​ന്ന ത​ര​ത്തി​ൽ ച​രിത്രത്തെ തെ​റ്റി​ദ്ധ​രി​പ്പി​ക്കാ​നു​ള്ള നീ​ക്ക​ങ്ങ​ൾ ന​ട​ക്കു​ന്നുവെന്നും അദ്ദേഹം പറഞ്ഞു.

മൂന്നര വർഷത്തെ ഗവേഷണഫലമായ ഈ കൃതി 122 പരമ്പരാഗത മാപ്പിളപ്പാട്ട് ഇശലുകളിലൂടെ ടിപ്പുസുൽത്താൻ്റെ സമഗ്ര ജീവിതം പുനസൃഷ്ടിക്കുകയാണ്.മാപ്പിളപ്പാട്ടിൻ്റെ ചരിത്രത്തിൽ ഇതാദ്യമായാണ് ടിപ്പു സുൽത്താൻ്റെ സമ്പൂർണ്ണ ജീവചരിത്രം പാട്ടായി രേഖപ്പെടുത്തുന്നത്.
വിവാഹാഘോഷങ്ങൾ, യുദ്ധങ്ങൾ, പടയാത്രകൾ തുടങ്ങി ടിപ്പുവിൻ്റെ ജീവിതത്തിലെ പ്രധാന നാഴികകല്ലുകൾ ഈ കൃതിയിൽ ഉൾപ്പെടുത്തിയിട്ടുണ്ട്.
ബു​ക്ക് പ്ല​സാ​ണ് പ്ര​സാ​ധ​ക​ർ. പു​സ്ത​ക​ത്തി​ലെ പ്ര​ധാ​ന ക​ഥാ​സ​ന്ദ​ർ​ഭ​ങ്ങ​ൾ ഉ​ൾ​പ്പെ​ടു​ത്തി പ​ത്തു എ​പ്പി​സോ​ഡു​ക​ളാ​യി ക​ഥാ​വി​വ​ര​ണ​ങ്ങൾ യൂട്യൂബിലും പ്ര​സി​ദ്ധീ​ക​രി​ച്ചി​ട്ടു​​ണ്ട്.