ജിദ്ദ – യുവതിയെ ലൈംഗികമായി ഉപദ്രവിച്ച സൗദി യുവാവിനെ ജിദ്ദ പോലീസ് അറസ്റ്റ് ചെയ്തു. നാസിര്‍ ഹാദി ആലുസ്വലാഹ് ആണ് അറസ്റ്റിലായത്. നിയമാനുസൃത നടപടികള്‍ പൂര്‍ത്തിയാക്കി പ്രതിയെ പബ്ലിക് പ്രോസിക്യൂഷന് കൈമാറിയതായി പൊതുസുരക്ഷാ വകുപ്പ് അറിയിച്ചു.
യുവതിയെ ലൈംഗികമായി ഉപദ്രവിച്ച വിദേശ യുവാവിനെ മക്ക പോലീസ് കഴിഞ്ഞ ദിവസം അറസ്റ്റ് ചെയ്തിരുന്നു. ഈജിപ്തുകാരന്‍ വലീദ് അല്‍സയ്യിദ് അബ്ദുല്‍ഹമീദ് ആണ് അറസ്റ്റിലായത്. സൗദിയില്‍ ആദ്യമായാണ് ലൈംഗിക പീഡന കേസുകളിലെ പ്രതികളുടെ പേരുവിവരങ്ങള്‍ അധികൃതര്‍ പരസ്യപ്പെടുത്തുന്നത്.
സൗദിയില്‍ വനിതകളെ ലൈംഗികമായി ഉപദ്രവിക്കുന്നവര്‍ക്ക് രണ്ടു വര്‍ഷം വരെ തടവും ഒരു ലക്ഷം റിയാല്‍ വരെ പിഴയും ശിക്ഷ ലഭിക്കും. കുറ്റകൃത്യം ആവര്‍ത്തിക്കുന്നവര്‍ക്കും പൊതുസ്ഥലത്തു വെച്ച് കുറ്റകൃത്യം നടത്തുന്നവര്‍ക്കും കുട്ടികളെയും വികലാംഗരെയും ലൈംഗികമായി ഉപദ്രവിക്കുന്നവര്‍ക്കും അഞ്ചു വര്‍ഷം വരെ തടവും മൂന്നു ലക്ഷം റിയാല്‍ വരെ പിഴയും ശിക്ഷ ലഭിക്കും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group