കളിക്കുന്നതിനിടെ വെടിയേറ്റ് 11 വയസ്സുകാരൻ മരിച്ചു

ഹൂസ്റ്റൺ– ഡോർബെൽ അടിച്ച് ഓടിപ്പോകുന്നതിനിടെ 11 വയസ്സുകാരൻ വെടിയേറ്റ് മരിച്ചു. ‘ഡോർബെൽ ഡിച്ച്’ എന്ന കളി കളിക്കുന്നതിനിടെയാണ് സംഭവം. ഹൂസ്റ്റണിലെ 9700 ബ്ലോക്ക് ഓഫ് റേസിൻ സ്ട്രീറ്റിലെ വീട്ടിൽ ശനിയാഴ്ച രാത്രി 11 മണിയോടെയാണ് വെടിവെപ്പുണ്ടായതെന്ന് പോലീസ് അറിയിച്ചു.

ഡോർബെൽ അടിച്ച ശേഷം കുട്ടി വീട്ടിൽ നിന്ന് ഓടുന്നതിനിടെയാണ് വെടിയേറ്റതെന്ന് ദൃക്സാക്ഷി പറഞ്ഞു. ഉടൻ തന്നെ കുട്ടിയെ ആശുപത്രിയിൽ എത്തിച്ചെങ്കിലും ഞായറാഴ്ച മരണം സ്ഥിരീകരിച്ചു. സംഭവവുമായി ബന്ധപ്പെട്ട് ഒരാളെ ചോദ്യം ചെയ്ത ശേഷം വിട്ടയച്ചു.

കുട്ടികൾ കൂട്ടമായിട്ടാണ് ഈ കളി കളിച്ചിരുന്നത് എന്ന് എൻബിസി അഫിലിയേറ്റ് കെപിആർസി റിപ്പോർട്ട് ചെയ്തു. ഹൂസ്റ്റണിലെ വെടിവെപ്പുമായി ബന്ധപ്പെട്ട അന്വേഷണം പുരോഗമിക്കുകയാണ്.