ആലപ്പുഴ: ഒഡിഷ സ്വദേശിനി സുഹൃത്തിന്റെ കുത്തേറ്റ് മരിച്ചു. ഒഡീഷ സ്വദേശിനിയായ റിത്വിക സാഹു(25) ആണ്‌ മരിച്ചത്. സംഭവത്തിന് ശേഷം ഒളിവിൽ പോയ റിത്വിക സാഹുവിൻ്റ സുഹൃത്തായ ഒഡീഷ ബന്ദബാജു ചഞ്ച്ചേരി സ്വദേശി സാമുവൽ(28) പോലീസ് തിരയുന്നു. പാണാവള്ളി പെരുമ്പളം കവലയ്ക്ക് സമീപത്തെ സ്വകാര്യ കമ്പനിയിൽ കഴിഞ്ഞ രണ്ടിന് രാത്രിയാണ് റിത്വികയ്ക്ക് കുത്തേറ്റത്.
സാമുവേൽ ബൈക്കിലെത്തി കുത്തിയ ശേഷം കടന്നുകളഞ്ഞു. തുടർന്ന് എറണാകുളം സ്വകാര്യ ആശുപത്രിയിലും പിന്നീട് കോട്ടയം മെഡിക്കൽ കോളജ് ആശുപത്രിയിൽ ചികിത്സയിലായിരുന്ന റിത്വിക വെള്ളിയാഴ്ച രാത്രിയാണ് മരിച്ചത്.
റിത്വികയും സാമുവേലുമായി അടുപ്പത്തിലായിരുന്നു. സാമുവേലിന് വേറെ ബന്ധമുണ്ടെന്ന് മനസ്സിലാക്കി റിത്വിക ഒഴിവാക്കിയതിന്റെ ദേഷ്യത്തിൽ കുത്തിയെന്നാണ് സൂചന.
സാമുവേലിനെ പിടികൂടാൻ പൂച്ചാക്കൽ പൊലീസ് ഒഡീഷയിലേക്ക് പോയിരിക്കുകയാണ്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group