തിരുവനന്തപുരം- നെയ്യാറ്റിൻകരയിൽ മക്കൾ സമാധി ഇരുത്തിയ ആറാലുംമൂട് കാവുവിളാകം സിദ്ധൻ ഭവനിൽ ഗോപന്റെ പോസ്റ്റ്മോർട്ടം റിപ്പോർട്ട് പുറത്തുവിട്ടു. ഗോപന്റെ മൂക്ക്, തല, മുഖം, നെറ്റി എന്നിവിടങ്ങളിൽ ചതവ് സംഭവിച്ചതായി പോസ്റ്റുമോർട്ടം റിപ്പോർട്ടിലുണ്ട്. എന്നാൽ ഇത് മരണകാരണമല്ലെന്നും റിപ്പോർട്ടിൽ പറയുന്നു. ആന്തരിക അവയവങ്ങളുടെ ഫലം വന്നാലേ മരണകാരണം വ്യക്തമാകൂ.
മൂക്കിലും തലയിലും നെറ്റിയിലും ചതവുണ്ടെങ്കിലും അസ്ഥികൾ പൊട്ടുകയോ ആന്തരിക രക്തസ്രാവം സംഭവിക്കുകയോ ചെയ്തിട്ടില്ല. ഗോപനു ലിവർ സിറോസിസ് അടക്കം ഗുരുതരമായ നിരവധി അസുഖങ്ങളുണ്ടെന്നും റിപ്പോർട്ടിൽ പറയുന്നു. ഹൃദയധമനികൾ 75 ശതമാനത്തിലധികം അടഞ്ഞ നിലയിലായിരുന്നു. കാലിൽ ഗുരുതരമായ നിലയിൽ അൾസറുണ്ടായിരുന്നുവെന്നും റിപ്പോർട്ടിലുണ്ട്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group