ദോഹ : തിരുവനന്തപുരം പള്ളിനട കഴക്കൂട്ടം സ്വദേശിയും യുവ എഞ്ചിനീയറുമായ റഈസ് നജീബ് (21) വയസ്) ദോഹയിൽ നിര്യാതനായി. ഖത്തർ ഇസ്ലാമിക് ഇൻഷുറൻസ് കമ്പനിയിൽ ജോലിചെയ്യുന്ന നജീബ് ഹനീഫയുടെയും ഖത്തർ എനർജിയിൽ ജോലി ചെയ്യുന്ന ഷഹീന നജീബിന്റെയും മകനാണ്. യു.കെ.യിൽ നിന്നും എൻജിനീയറിങ്ങിൽ ബിരുദം നേടി ദോഹയിൽ തിരിച്ചെത്തിയ റഈസിന് ദുബായിലെ ഒരു കമ്പനിയിൽ ജോലിക്കായി ഓഫർ ലെറ്റർ ലഭിച്ച് ജോലിയിൽ പ്രവേശിക്കാനുള്ള തയ്യാറെടുപ്പിനിടെയാണ് ഇന്ന് മരണം സംഭവിച്ചത്. സഹോദരൻ ഫായിസ് നജീബ്. സഹോദരി റൗദാ നജീബ്.
പ്രവാസി വെൽഫെയർ തിരുവനന്തപുരം ജില്ലാ പ്രവർത്തകനാണ് മരണപ്പെട്ട റഈസിന്റെ പിതാവ് നജീബ് ഹനീഫ. പ്രവാസി വെൽഫെയർ തിരുവനന്തപുരം ജില്ലാ പ്രസിഡണ്ട് നസീർ ഹനീഫ പിതൃ സഹോദരനാണ്. മൃതദേഹം നടപടിക്രമങ്ങൾ പൂർത്തിയാക്കി നാട്ടിലേക്ക് കൊണ്ടുപോകുമെന്ന് പ്രവാസി വെൽഫെയർ റിപ്രാടിയേഷൻ വിങ്ങ് അറിയിച്ചു.റഈസ് നജീബിന്റെ നിര്യാണത്തിൽ പ്രവാസി വെൽഫെയർ ഖത്തർ അനുശോചനം രേഖപ്പെടുത്തി.