ബെര്‍ലിന്‍: യുവേഫാ നാഷന്‍സ് ലീഗില്‍ റെക്കോഡ് ജയവുമായി ജര്‍മ്മനി. ബോസ്‌നിയക്കെതിരേ ഏഴ് ഗോളിന്റെ ജയമാണ് ജര്‍മ്മനി നേടിയത്.നാഷന്‍സ് ലീഗിന്റെ ആദ്യമായാണ് ഒരു ടീം ഏഴ് ഗോളിന്റെ ജയം നേടുന്നത്. ജമാല്‍ മുസെയ്‌ല, ക്ലെയ്ന്‍ഡിനസ്റ്റ്(ഡബിള്‍), കായ് ഹാവര്‍ട്‌സ്, വിര്‍ട്ട്‌സ് (ഡബിള്‍), സാനെ എന്നിവരാണ് ജര്‍മ്മനിക്കായി സ്‌കോര്‍ ചെയ്തത്.
ഇന്നലെ നടന്ന മറ്റൊരു മല്‍സരത്തില്‍ അല്‍ബേനിയ ചെക്ക്‌റിപ്പബ്ലിക്കിനെ ഗോള്‍ രഹിത സമനിലയില്‍ തളച്ചു. വെയ്ല്‍സ്-തുര്‍ക്കി മല്‍സരവും ഗോള്‍രഹിത സമനിലയില്‍ കലാശിച്ചു. ഹംഗറിയെ നെതര്‍ലന്റസ് എതിരില്ലാത്ത നാല് ഗോളിന് പരാജയപ്പെടുത്തി. വെഗ്‌ഹോര്‍സ്റ്റ്, ഗാക്ക്‌പ്പോ, ഡംഫ്രിസ്, കൂപ്പമെയ്‌നേഴ്‌സ് എന്നിവരാണ് ഓറഞ്ച്പടയ്ക്കായി സ്‌കോര്‍ചെയ്തത്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group