ജിദ്ദ: ജിദ്ദയിലെ പ്രമുഖ പ്രവാസി സംഘടനയായ തിരുവനന്തപുരം സ്വദേശി സംഗമത്തിന്റെ ഇരുപതാമത് വാർഷികം ‘അനന്തോത്സവം 2025’ എന്ന പേരിൽ ജിദ്ദയിൽ അരങ്ങേറും. വിവിധ കലാ സാംസ്‌കാരിക പരിപാടികളോട് കൂടി ജനുവരി 17ന് അൽറിഹാബ് ഡിസ്ട്രിക്ടിലെ ലയാലി നൂർ ഹാളിലാണ് അരങ്ങേറുന്നത്. കഴിഞ്ഞ ദിവസം നടന്ന ചടങ്ങിൽ അനന്തോത്സവം 2025 ന്റെ ഔദ്യോഗിക പോസ്റ്റർ പ്രകാശനം ചെയ്തു.
വാർഷിക സംഗമത്തിൽ പ്രമുഖ സിനിമ പിന്നണി ഗായികയും, ഐഡിയ സ്റ്റാർ സിംഗർ താരവുമായ അഞ്ചു ജോസഫ്, ടോപ് സിംഗർ താരം റോക്ക് സ്റ്റാർ കൗഷിക് എന്നിവർ മുഖ്യാതിഥികളായിരിക്കും. ടി.എസ്.എസ് അംഗങ്ങളും, കുട്ടികളും, ജിദ്ദയിലെ പ്രമുഖ കലാകാരന്മാരും അവതരിപ്പിക്കുന്ന വ്യത്യസ്തമാർന്ന പരിപാടികളും ഉണ്ടായിരിക്കുമെന്ന് ഭാരവാഹികൾ അറിയിച്ചു.
ചടങ്ങിൽ സംഘടനാ പ്രസിഡന്റ് തരുൺ രത്‌നാകരൻ, ജന:സെക്രട്ടറി ജാഫർ ഷെരീഫ്, ട്രഷറർ ഷാഹിൻ ഷാജഹാൻ, പ്രോഗ്രാം കൺവീനർ ഹാഷിം കല്ലമ്പലം ഉൾപ്പടെ എക്സിക്യൂട്ടീവ് അംഗങ്ങളും പങ്കെടുത്തു.
