പാരിസ്: യുവേഫാ നാഷന്‍സ് ലീഗിന്റെ ക്വാര്‍ട്ടറില്‍ പ്രവേശിച്ച് ഫ്രാന്‍സും ഇറ്റലിയും. ബെല്‍ജിയത്തെ എതിരില്ലാത്ത ഒരു ഗോളിനാണ് ഇറ്റലി പരാജയപ്പെടുത്തിയത്. 11ാം മിനിറ്റില്‍ എസ് ടൊണാലിയാണ് ഇറ്റലിയ്ക്കായി സ്‌കോര്‍ ചെയ്തത്. ഫ്രാന്‍സ്-ഇസ്രായേല്‍ മല്‍സരം ഗോള്‍ രഹിത സമനിലയില്‍ കലാശിച്ചു.മറ്റൊരു മല്‍സരത്തില്‍ ഇംഗ്ലണ്ട് ഗ്രീസിനെ എതിരില്ലാത്ത മൂന്ന് ഗോളിന് പരാജയപ്പെടുത്തി. ലീഗ് ബി, ഗ്രൂപ്പ് രണ്ടില്‍ ഇംഗ്ലണ്ട് ഒന്നാം സ്ഥാനത്തുണ്ട്.
താല്‍ക്കാലിക കോച്ച് ലീ കാര്‍സ്ലേക്ക് കീഴില്‍ ഇംഗ്ലിഷ് പട മികച്ച പ്രകടനമാണ് പുറത്തെടുത്തത്. ഇംഗ്ലണ്ടിനായി വാറ്റ്കിന്‍സ്, ജോണ്‍സ് എന്നിവര്‍ സ്‌കോര്‍ ചെയ്തു. മറ്റൊരു ഗോള്‍ ഗ്രീസ് താരത്തിന്റെ സെല്‍ഫ് ഗോളായിരുന്നു. നോര്‍വെ സ്ലൊവേനിയയെ 4-1ന് പരാജയപ്പെടുത്തി. നോര്‍വെയ്ക്കായി ഹാലന്റ്, നുസാ(ഡബിള്‍), ഹ്യുജ് എന്നിവര്‍ സ്‌കോര്‍ ചെയ്തു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group