അബുദാബി: റോഡ് മുറിച്ച് കടക്കുന്നിടെ വാഹനമിടിച്ച് മലയാളി വിദ്യാർഥിക്ക് ദാരുണാന്ത്യം. അബുദാബി മുഹമ്മദ് ബിൻ സായിദ് സിറ്റിയിൽ മിലേനിയം ആശുപത്രിക്ക് സമീപം റോഡ് മുറിച്ച് കടക്കവെയാണ് കണ്ണൂർ പിലാത്തറ സ്വദേശിയും മോഡൽ പ്രൈവറ്റ് സ്കൂളിലെ ഏഴാം ക്ലാസ് വിദ്യാർഥിയുമായ ഷാസിൽ മഹ്മൂദ് (11) വാഹനമിടിച്ച് മരിച്ചത്.
വീടിന് സമീപമുള്ള ബസ് സ്റ്റോപ്പിൽ ഇറങ്ങിയ ശേഷം വീട്ടിലേക്കു പോകാൻ സീബ്രാ ക്രോസിങ് ഇല്ലാത്ത സ്ഥലത്തുകൂടി റോഡ് മുറിച്ച്കടക്കവെ വാഹനം ഇടിക്കുകയായിരുന്നു. അബുദാബി ഡിഫൻസിൽ ഉദ്യോഗസ്ഥനായ എം.പി.ഫസലുറഹ്മാന്റെയും എമിറേറ്റ്സ് ഫ്യൂച്ചർ ഇന്റർനാഷനൽ അക്കാദമി അധ്യാപിക ആയിശയുടെയും മകനാണ്. സഹോദരൻ റഹാര ഫസൽ. നടപടിക്രമങ്ങൾ പൂർത്തിയാക്കി മൃതദേഹം അബുദാബിയിൽ ഖബറടക്കും.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group