കൊച്ചിയിൽ യുവതിയെ വെട്ടിക്കൊല്ലാൻ ശ്രമം; ഓട്ടോ ഡ്രൈവർക്കായി തിരച്ചിൽ

കൊച്ചി: ഏലൂരിൽ യുവതിയെ വെട്ടിക്കൊല്ലാൻ ശ്രമം. ഏലൂർ നോർത്ത് കണപ്പിള്ളി നഗർ സ്വദേശിനി സിന്ധുവിനാണ് കഴുത്തിന് വെട്ടേറ്ററ്റത്. സിന്ധു നടത്തുന്ന സ്ഥാപനത്തിലെ ആവശ്യങ്ങൾക്കായി എത്താറുള്ള ഓട്ടോ ഡ്രൈവർ മുളവുകാട് സ്വദേശി ദീപുവാണ് വെട്ടിയതെന്ന് പോലീസ് പറഞ്ഞു. സിന്ധുവിനെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു.

ബുധനാഴ്ച രാത്രി എട്ടു മണിയോടെയാണ് സംഭവം. ഏലൂരിൽ പ്രസ് നടത്തുകയാണ് സിന്ധു. സ്ഥാപനത്തിലെത്തിയ ദീപു ആയുധമുപയോഗിച്ച് കഴുത്തിന് വെട്ടുകയായിരുന്നു. സിന്ധുവിനൊപ്പമുണ്ടായിരുന്ന കുട്ടിയുടെ നിലവിളി കേട്ടാണ് ആളുകൾ ഓടിയെത്തിയത്. അപ്പോഴേക്കും ദീപു ഓടി രക്ഷപ്പെട്ടു. പ്രതിയെ പിടികൂടാനായില്ലെന്നും തിരച്ചിൽ തുടരുകയാണെന്നും പോലീസ് പറഞ്ഞു.