പാലക്കാട്: കല്ലടിക്കോട് കാറും ലോറിയും കൂട്ടിയിടിച്ച് അഞ്ചു പേർ മരിച്ചു. കോങ്ങാട് മണ്ണാന്തറ സ്വദേശികളായ വിജേഷ് കെ.കെ, വിഷ്ണു ടി.വി, രമേശ്, പാലക്കാട് തച്ചമ്പാറ സ്വദേശി മഹേഷ്, മണിക്കശ്ശേരി സ്വദേശി മുഹമ്മദ് അഫ്സൽ എന്നിവരാണ് മരിച്ചത്.
കല്ലിക്കോട് അയ്യപ്പൻകാവിൽ വച്ച് ചൊവ്വാഴ്ച രാത്രി 11-ഓടെയാണ് അപകടം. പാലക്കാട് ഭാഗത്തുനിന്ന് വന്ന കാറും മണ്ണാർക്കാട് ഭാഗത്തുനിന്ന് വന്ന ലോറിയും തമ്മിലിടിച്ചാണ് അപകടമുണ്ടായത്.
കോങ്ങാട് സ്വദേശികൾ സഞ്ചരിച്ച മാരുതി സിഫ്റ്റ് കാറിൽ ലോറിയിടിക്കുകയായിരുന്നു. നാലു പേർ സംഭവസ്ഥലത്ത് വെച്ചുതന്നെ മരിച്ചു. ഒരാൾ ആശുപത്രിയിൽ എത്തിക്കുന്നതിനിടെയുമാണ് മരിച്ചത്. കാർ വെട്ടി പൊളിച്ചാണ് ഇവരെ പുറത്തെടുത്തത്. മൃതദേഹം പാലക്കാട് ജില്ലാ ആശുപത്രിയിൽ.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group