ബുറൈദ: കെ.പി.സി.സി വഴി നൽകുന്ന വയനാട് ദുരന്ത ബാധിതർക്കുള്ള ഒ.ഐ.സി.സി അൽ ഖസ്സീം സെൻട്രൽ കമ്മിറ്റിയുടെ സഹായം ട്രഷറർ അനസ് ഹമീദിൽ നിന്ന് മുഖ്യരക്ഷാധികാരി സക്കീർ പത്തറ ഏറ്റുവാങ്ങി.
ചടങ്ങിൽ പ്രസിഡന്റ് അബ്ദുറഹിമാൻ തിരൂർ അധ്യക്ഷത വഹിച്ചു. പി.പി.എം അശ്‌റഫ് കോഴിക്കോട്, വൈസ് പ്രസിഡൻറ് അസീസ് കണ്ണൂർ, സുധീർ കായംകുളം തുടങ്ങിയവർ സംസാരിച്ചു. ബഷീർ വെങ്ങാലിയിൽ, സക്കീർ കുറ്റിപ്പുറം, റഹീം കണ്ണൂർ, സനോജ് പത്തരിയാൽ, അബദുൽ റഹിമാൻ കാപ്പാട് എന്നിവർ പങ്കെടുത്തു.
ജനറൽസെക്രട്ടറി പ്രമോദ് കുര്യൻ കോട്ടയം സ്വാഗതവും സിയാസ് കണിയാപുരം നന്ദിയും പറഞ്ഞു. സഹജീവികളോടുള്ള സ്‌നേഹം, ദയ, കരുണ്യം എന്നിവ ഒരോ പാർട്ടി പ്രവർത്തകനും പോഷക സംഘടനാ പ്രവർത്തകരും ജീവിതവ്രതമായി കാണണമെന്ന് ചടങ്ങിൽ സംസാരിച്ചവർ ഓർമിപ്പിച്ചു. ജീവകാരുണ്യ രംഗത്ത് കൂടുതൽ ശ്രദ്ധ പതിപ്പിച്ച് നാടിന്റെയും പ്രവാസലോകത്തിന്റെയും നന്മകളിൽ മുന്നിടാൻ സാധിക്കണമെന്നും പ്രാസംഗികർ ചൂണ്ടിക്കാട്ടി.