റിയാദ് : കെഎംസിസി അഴീക്കോട് മണ്ഡലം അഡ്‌ഹോക്ക് കമ്മിറ്റിയെ കണ്ണൂര്‍ ജില്ല കെഎംസിസി പ്രഖ്യാപിച്ചു. ഭാരവാഹികളായി മുസ്തഫ പാപിനിശ്ശേരി (ചെയര്‍മാന്‍), റഹീം കെ ടി (ജനറല്‍ കണ്‍വീനര്‍), മേമി മാങ്കടവ് (ട്രഷറര്‍), ശമീം കെടി, ആശിഖ് അഴീക്കോട് (വൈസ് ചെയര്‍മാന്‍) മുഹമ്മദ് നദീം, റിയാസ് മാങ്കടവ് (ജോ: കണ്‍വീനര്‍) എന്നിവരെ തെരഞ്ഞെടുത്തു.
മണ്ഡലം ചെയര്‍മാന്‍ മുസ്തഫ പാപിനിശ്ശേരിയുടെ അധ്യക്ഷതയില്‍ നടന്ന കമ്മിറ്റിയുടെ പ്രഥമ യോഗം ജില്ലാ പ്രസിഡന്റ് അന്‍വര്‍ വാരം ഉദ്ഘാടനം ചെയ്തു. ജില്ലാ കമ്മിറ്റി ഭാരവാഹികളായ റസാക്ക് വളക്കൈ, മുക്താര്‍ പിടിപി, മെഹബൂബ് ചെറിയവളപ്പ്, ശരീഫ് കണ്ണൂര്‍ തുടങ്ങിയവര്‍ ചര്‍ച്ചയില്‍ പങ്കെടുത്തു.
അഴീക്കോട് മണ്ഡലത്തില്‍ ഉള്‍പ്പെടുന്ന ദാറുല്‍ ഹസനാത്ത് കോംപ്ലക്‌സ് കമ്മിറ്റിയുടെ നേതൃത്വത്തില്‍ പശ്ചിമ ബംഗാളില്‍ ഈ മാസം 29 നു പാണക്കാട് സാദിഖലി ശിഹാബ് തങ്ങള്‍ ഉദ്ഘാടനം നിര്‍വഹിക്കുന്ന വനിതാ യതീംഖാനക്ക് ഫര്‍ണിച്ചര്‍ നല്‍കാനും റിയാദ് സെന്‍ട്രല്‍ കമ്മിറ്റിയുടെ സാമൂഹ്യ സുരക്ഷ പദ്ധതി വിജയിപ്പിക്കാനും യോഗത്തില്‍ തീരുമാനിച്ചു. മണ്ഡലം കണ്‍വീനര്‍ അബ്ദുറഹീം കെ ടി സ്വാഗതവും ട്രഷറര്‍ മേമി മാങ്കടവ് നന്ദിയും പറഞ്ഞു.