വയനാട് ഫണ്ട്,ബഗ്ദാദിയ വെസ്റ്റ് ഏരിയ കൂട്ടായ്മയിൽ വിദേശികളും പങ്കാളികളായി

ജിദ്ദ- വയനാട് മേഖലയിലെ ഉരുൾ പൊട്ടലിൽ എല്ലാം നഷ്ടപ്പെട്ട് അനാഥരായ കുടുംബങ്ങളെ പുനരധിവസിക്കുന്നതിന്റെ ഭാഗമായി ബാഗ്ദാദിയ വെസ്റ്റ് ഏരിയ മലയാളി സൗഹൃദ കൂട്ടായ്മയുടെ നേതൃത്വത്തിൽ നടന്ന ഫണ്ട് സമാഹരണം വൻ വിജയമായി. സൗദി, യെമൻ സ്വദേശികളും സംഭാവന നൽകി.

കെ.എം.സി.സി നാഷണൽ, സെൻട്രൽ,ജില്ല, മണ്ഡലം, ഏരിയ ഭാരവാഹികളുടെ സാന്നിദ്ധ്യത്തിൽ ബഗ്ദാദിയ ഏരിയ കെ. എം.സി.സി കമ്മിറ്റിക്ക് കൈമാറി. മലയാളികളായ ഹൈദർക്കയുടെ നേതൃത്വത്തിൽ, ദാസൻ, ഫാരിസ്, ഷറഫു എന്നിവർ സമാഹരണത്തിനായി മുന്നിട്ടിറങ്ങി.