പ്രമുഖ പ്രവാസി വ്യവസായി ഡോ. റാം ബുക്സാനി ദുബായിൽ നിര്യാതനായി

ദുബായ്: പ്രമുഖ ഇന്ത്യൻ വ്യവസായി ഡോ. റാം ബുക്സാനി(83) ദുബായിൽ അന്തരിച്ചു. ഞായറാഴ്ച പുലർച്ച ദുബായിയിലെ വീട്ടിൽ വെച്ചാണ് നിര്യാതനായത്. 1959 നവംബറിൽ 18 വയസ്സുള്ളപ്പോൾ ദുബായിൽ വന്നിറങ്ങിയ റാം ബുക്സാനി യുഎഇയിലെ അറിയപ്പെടുന്ന ബിസിനസുകാരനായി മാറി. കോസ്മോസ് ഗ്രൂപ്പ് അടക്കം നിരവധി സ്ഥാപനങ്ങളുടെ സ്ഥാപകനാണ്.

വിവിധ കമ്പനികളിൽ വ്യത്യസ്ത പദവികളും വഹിച്ചിട്ടുണ്ട്. റോട്ടറി ക്ലബ് ഓഫ് ജുമൈറയുടെ പ്രസിഡന്റായും ഇന്ത്യൻ ഹൈസ്കൂൾ ചെയർമാനായും സേവനമനുഷ്ടിച്ചിരുന്നു.