കണ്ണൂർ – കണ്ണൂരിലെ വനിതാജയിലിൽ സാംബിയ സ്വദേശികളായ തടവുകാർ തമ്മിൽ ഏറ്റുമുട്ടി. ഒരാൾക്ക് പരിക്ക്. റിമാൻഡ് തടവുകാരി ഷാരോൺ ചിഗ്വാസിക്കാണ്‌ (33) പരിക്കേറ്റത്‌. ബിഷാല സോക്കോ (44) ആണ് മർദിച്ചതെന്ന് പറയുന്നു.
പരിക്കേറ്റ തടവുകാരി ജില്ലാ ആസ്പത്രിയിൽ ചികിത്സ തേടി. മയക്കുമരുന്നു കേസിൽ റിമാൻഡിൽ കഴിയുകയായിരുന്ന തടവുകാരാണ് കണ്ണൂർ സെൻട്രൽ ജയിലിനോടനുബന്ധിച്ചുള്ള വനിതാ ജയിലിൽ സംഘട്ടനത്തിലേർപ്പെട്ടത്. വനിതാ ജയിൽ സൂപ്രണ്ട് ഇൻ ചാർജ് മൃദുല വി നായരുടെ പരാതിയിൽ ടൗൺ പോലീസ് കേസെടുത്തു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group