കോഴിക്കോട്: മോട്ടിവേഷന് സ്പീക്കര് ഡോ. അനില് ബാലചന്ദ്രനെ സ്റ്റേജില്നിന്നും ഇറക്കിവിട്ടു. വ്യവസായം എങ്ങിനെ വിജയിപ്പിക്കാം എന്ന വിഷയത്തില് പ്രസംഗിക്കുന്നതിനിടെ വ്യവസായികളെ ‘തെണ്ടികള്’ എന്ന ആവര്ത്തിച്ചാവര്ത്തിച്ച് വിളിച്ചതോടെയാണ്, ശ്രോതാക്കളായ വ്യവസായികള് ഇടപെട്ട് നിര്ത്തിച്ചത്.
എന്തിനാണ് ബിസിനസ്സുകാരെ തെണ്ടികള് എന്നും മറ്റും വിളിക്കുന്നതെന്ന് പരിപാടിയുടെ ഇടയില് ഒരാള് ഉച്ചത്തില് ചോദിക്കുകയായിരുന്നു. ചോദിച്ച വ്യക്തിക്ക് സദസ്സിന്റെ പിന്തുണകൂടി കിട്ടിയതോടെ വാക്കുതര്ക്കം ആകുകയും ചടങ്ങ് നിര്ത്തിവയ്ക്കുകയും ആയിരുന്നു. ഞങ്ങള്ക്ക് മതിയെന്നും ശ്രോതാക്കള് പറഞ്ഞു. മതിയോ എന്ന് അനില് ചോദിച്ചതോടെ ശ്രോതാക്കള് ഒന്നടങ്കം മതിയെന്നു പറയുകയായിരുന്നു.
റോട്ടറി ക്ലബ് സൈബര് സിറ്റി കോഴിക്കോട് ആണ് മൈ ബിസിനസ് മൈ ഫ്യൂച്ചര് എന്ന പേരില് പരിപാടി സംഘടിപ്പിച്ചത്.