മുഹമ്മദ് ബിൻ സൽമാൻ രാജകുമാരന് ബഹ്റൈനിൽ ഊഷ്മള സ്വീകരണം

റിയാദ്- അറബ് ഉച്ചകോടിയിൽ പങ്കെടുക്കുന്നതിന് സൗദി അറേബ്യയുടെ കിരീടാവകാശിയും പ്രധാനമന്ത്രിയുമായ മുഹമ്മദ് ബിൻ സൽമാൻ രാജകുമാരൻ ബഹ്റൈനിലെത്തി.

ബഹ്‌റൈൻ കിരീടാവകാശിയും പ്രധാനമന്ത്രിയുമായ സൽമാൻ ബിൻ ഹമദ് അൽ ഖലീഫ രാജകുമാരൻ, മുഹമ്മദ് ബിൻ സൽമാൻ രാജകുമാരനെ സ്വീകരിക്കാനെത്തിയിരുന്നു.

ഊഷ്മളമായ സ്വീകരണമാണ് മുഹമ്മദ് ബിൻ സൽമാൻ രാജകുമാരന് ഒരുക്കിയത്. ബഹ്റൈനിൽ നടക്കുന്ന മുപ്പത്തിമൂന്നാമത് അറബ് ഉച്ചകോടിയിൽ സൗദി പ്രതിനിധി സംഘത്തിന്റെ തലവനായാണ് മുഹമ്മദ് ബിൻ സൽമാൻ രാജകുമാരൻ തിരുഗേഹങ്ങളുടെ സേവകൻ സൽമാൻ രാജാവിന്റെ നിർദ്ദേശപ്രകാരം പങ്കെടുക്കുന്നത്.