റിയാദ്- കേരള എഞ്ചിനീയേഴ്സ് ഫോറം റിയാദ് ചാപ്റ്ററിന്റെ ആഭിമുഖ്യത്തിൽ”നെഗോഷിയേറ്റ് വിത്ത് കോൺഫിഡൻസ്” എന്ന ശില്പശാല സംഘടിപ്പിച്ചു. റിയാദിലെ ഫ്യൂച്ചർ ബിസിനസ് ആൻഡ് ടെക്നോളജി ഇൻസ്റ്റിറ്റ്യൂട്ട് ഫോർ ഹയർ ട്രെയിനിംഗിൽ നടത്തിയ പരിപാടിയിൽ നിരവധി ഫോറം അംഗങ്ങൾ സംബന്ധിച്ചു .
സെയിൽസ് പ്രൊഫഷണലുകളെ ലക്ഷ്യമിട്ടുള്ള ശില്പശാലയിൽ മാനേജ്മെന്റ് കൺസൽട്ടൻറ് ഡോ. അഹമ്മദ് എൽഗാർഹി ആയിരുന്നു പരിശീലകൻ. നെഗോഷ്യേഷൻ ചർച്ചകളുടെ അടിത്തറയും തയ്യാറെടുപ്പും, ഓഫറുകൾ രൂപപ്പെടുത്തലും, കഠിനമായ എതിർകക്ഷികളെയും സമ്മർദ്ദത്തെയും നേരിടുന്ന രീതികളും വിശദമായി പ്രദിപാദിച്ചു. റോൾ പ്ലേകളിലൂടെയുള്ള പരിശീലനവും ഉൾപ്പെടുത്തിയുള്ള ഒരു ഇന്ററാക്ടിവ് സെഷനായിരുന്നു പ്രസ്തുത പരിപാടി.
ശിൽപശാലയ്ക്ക് എൻജിനീയേഴ്സ് ഫോറം എക്സിക്യൂട്ടീവ് കമ്മറ്റി അംഗങ്ങൾ നേതൃത്വം നൽകി. കെ ഇ എഫ് ടെക്നികൽ വിങ്ങ് പ്രതിനിധി സുബിൻ റോഷൻ സാഗതം പറഞ്ഞു.



