കുരങ്ങ് കുറുകെ ചാടി, ടാങ്കറും കാറും കൂട്ടിയിടിച്ച് ബാങ്ക് ഉദ്യോഗസ്ഥരായ മൂന്നു പേർ മരിച്ചു

മൊറാദാബാദ്: ഉത്തർപ്രദേശിലെ മൊറാദാബാദ്-അലിഗഡ് ദേശീയപാതയിൽ അമിതവേഗതയിലെത്തിയ ടാങ്കർ കാറുമായി കൂട്ടിയിടിച്ച് മൂന്ന് പേർ മരിച്ചു. മൊറാദാബാദിലെ ദോംഘർ മേഖലയിലാണ് അപകടമുണ്ടായത്.
ആക്‌സിസ് ബാങ്ക് മാനേജർ സൗരഭ് ശ്രീവാസ്തവ, കാഷ്യർ ദിവ്യാൻഷു, അമിത് എന്നിവരാണ് മരിച്ചത്.

ആക്‌സിസ് ബാങ്ക് ജീവനക്കാരുടെ കാർ അമിതവേഗതയിലെത്തിയ ടാങ്കറുമായി കൂട്ടിയിടിച്ച് രണ്ട് പേർ തൽക്ഷണം മരിച്ചു. അപകടത്തിൽ ഗുരുതരമായി പരിക്കേറ്റ അമിത് ആശുപത്രിയിൽ ചികിത്സയിലിരിക്കെ മരിച്ചു. റോഡിൽ പെട്ടെന്ന് ഒരു കുരങ്ങ് കുറുകെ ചാടിയതാണ് കൂട്ടിയിടിക്ക് കാരണമെന്ന് പോലീസ് പറഞ്ഞു.