റിയാദ്- തൃക്കരിപ്പൂർ സി. എച്ച്. സെന്റർ സൗദി കോ ഓർഡിനേറ്ററും കെ. എം. സി. സി. റിയാദ് സെൻട്രൽ കമ്മിറ്റി മുൻ ചെയർമാനും തൃക്കരിപ്പൂർ മണ്ഡലം കാസർകോട് ജില്ലാ സീനിയർ നേതാവുമായ അബ്ദുസ്സലാം തൃക്കരിപ്പൂരിന് തൃക്കരിപ്പുർ സി. എച്ച്. സെന്റർ റിയാദ് ചാപ്റ്റർ മലസ് അൽമാസ് ഓഡിറ്റോറിയത്തിൽ യാത്രയയപ്പ് നൽകി.
മൂന്നര പതിറ്റാണ്ടിന്റെ പ്രവാസത്തോട് വിട പറയുന്ന അബ്ദുസ്സലാം 2016ൽ ആരംഭിച്ച ചാപ്റ്ററിന്റെ തുടക്കം മുതൽ ഇത് വരെ എല്ലാ പ്രവർത്തനത്തിലും സജീവമായിരുന്നു.
തൃക്കരിപ്പൂർ സി. എച്ച്. സെന്റർ റിയാദ് ചാപ്റ്റർ ചെയർമാൻ എം. ടി. പി. സ്വാലിഹിന്റെ അധ്യക്ഷതയിൽ റിയാദ് കെ.എം.സി.സി. സെൻട്രൽ കമ്മിറ്റി സീനിയർ വൈസ് പ്രസിഡന്റ് അബ്ദുൽ മജീദ് പയ്യന്നൂർ ഉദ്ഘാടനം ചെയ്തു.
റിയാദ് സെൻട്രൽ കമ്മിറ്റി സെക്രട്ടറി ഷംസു പെരുമ്പട്ട, സി. എച്ച്. സെന്റർ റിയാദ് ചാപ്റ്റർ വൈസ് ചെയർമാൻ എ. ജി. അബൂബക്കർ, റിയാദ് കെ. എം. സി. സി. കാസർകോട് ജില്ലാ ജനറൽ സെക്രട്ടറി അഷ്റഫ് മീപ്പിരി, റിയാദ് കെ. എം. സി. സി. കാസർകോട് ജില്ലാവൈസ് പ്രസിഡന്റ് ടി. എ. ബി. അഷ്റഫ്, റിയാദ് കെ. എം. സി. സി. പയ്യന്നൂർ മണ്ഡലം പ്രസിഡന്റ് അഷ്റഫ് കവ്വായി, റിയാദ് കെ. എം. സി. സി. കാസർകോട് ജില്ല വെൽഫെയർ വിംഗ് ചെയർമാൻ ഫസൽ പടന്ന, ഷരീഫ് മുഹമ്മദ് റവാബി എന്നിവർ സംസാരിച്ചു.
സെന്റർ ചെയർമാനും ഭാരവാഹികളും ചേർന്ന് മൊമെന്റോ കൈമാറി. തുടർന്ന് അബ്ദുസലാം ചടങ്ങിന് നന്ദി പറഞ്ഞു. ബഷീർ കാരോളം, മുഹമ്മദ് കുഞ്ഞി എം. ടി. പി., ലത്തീഫ് ഉടുമ്പുംതല,നസീർ വടക്കുമ്പാട്, മഹമൂദ് റവാബി, ഷുഹൈബ് നീലമ്പം, വഹാബ് പൊറോപാട്, നൗഫൽ കാരോളം, എന്നിവർ നേതൃത്വം നൽകി.
സി. എച്ച്. സെന്റർ റിയാദ് ചാപ്റ്റർ ഓർഗനൈസിങ്ങ് സെക്രട്ടറി ഇസ്മായിൽ കാരോളം സ്വാഗതവും സി. എച്ച്. സെന്റർ റിയാദ് ചാപ്റ്റർ ആക്ടിങ് ജനറൽ കൺവീനർ ജമാൽ വൾവക്കാട് നന്ദിയും പറഞ്ഞു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group