ന്യൂഡൽഹി- തിരഞ്ഞെടുപ്പ് അട്ടിമറിച്ചെന്നാരോപിച്ച് മുഖ്യതിരഞ്ഞെടുപ്പ് കമ്മീഷണറുടെ രാജി ആവശ്യപ്പെട്ട് ഡൽഹിയിൽ നടക്കുന്ന സമരത്തിനിടെ സി പി ഐ എം രാജ്യസഭാ കക്ഷി നേതാവ് ജോൺ ബ്രിട്ടാസ് എം പിയേയും ഡി വൈ എഫ് ഐ നേതാവ് ജെയ്ക്ക് സി തോമസിനെയും ക്രൂരമായി മർദ്ദിച്ച് പോലീസ്. എം പി ആണെന്ന പരിഗണന പോലും നൽകാതെ ബലമായി വലിച്ചിഴച്ച് മർദ്ദിക്കുകയായിരുന്നു. ജെയ്ക്ക് സി തോമസിന്റെ വസ്ത്രങ്ങൾ വലിച്ചുകീറുകയും മർദ്ദിക്കുകയും ചെയ്തു.
സി പി ഐ നേതാവ് ആനി രാജയേയും റോഡിലൂടെ വലിച്ചിഴച്ച് കസ്റ്റഡിയിലെടുത്തു. വനിതാ പോലീസ് പോലും ഇല്ലാതെയാണ് ആനി രാജയെ ബലമായി കസ്റ്റഡിയിലെടുത്തത്. എസ് എഫ് ഐ അഖിലേന്ത്യാ പ്രസിഡന്റ് ആദർശ് എം സജിക്കും പോലീസ് മർദ്ദനത്തിൽ പരിക്കേറ്റു.
മർദ്ദനത്തെ തുടർന്ന് എം പിമായ എ എ റഹീമും സന്തോഷ് കുമാറും ഡൽഹി ഡി സി പി ഓഫീസിലേക്ക് തിരിച്ചിട്ടുണ്ട്. പോലീസ് വാഹനം സഞ്ചരിക്കുന്ന തടവറയാണെന്ന് എ എ റഹീം എം പി പറഞ്ഞു.