സൗദിയിൽ സുഹൃത്തിനെ കൊന്ന് കിണറിൽ തള്ളിയ ഇന്ത്യക്കാരന് വധശിക്ഷ നടപ്പാക്കി

അസീർ: അസീർ മേഖലയിൽ മുഹമ്മദ് നൗഷാദ് ഖാൻ എന്നയാളെ കൊലപ്പെടുത്തി കിണറിലേക്ക് വലിച്ചെറിഞ്ഞ സംഭവത്തിൽ പ്രതിയായ ഇന്ത്യൻ പൗരന് വധശിക്ഷ നടപ്പാക്കി. ഇന്ത്യക്കാരനായ ജമാലുദ്ദീൻ ഖാൻ താഹിർ ഖാൻ എന്നയാൾക്കാണ് ശിക്ഷ നടപ്പാക്കിയത്. ആഭ്യന്തര മന്ത്രാലയമാണ് ഇക്കാര്യം അറിയിച്ചത്.
മുഹമ്മദ് നൗഷാദ് ഖാനെ കൊന്ന് കിണറിലേക്ക് തള്ളുകയായിരുന്നു. ഇയാളെ പോലീസ് അറസ്റ്റ് ചെയ്യുകയും കുറ്റം തെളിയുകയും ചെയ്തു.