ഇറാന്‍ വീണ്ടും ആക്രമിച്ചാല്‍ അതിശക്തമായി തിരിച്ചടിക്കുമെന്ന് ട്രംപ്

വാഷിങ്ടൺ: കപ്പലുകള്‍ക്ക് നേരെയുള്ള ആക്രമണങ്ങള്‍ക്ക് മറുപടിയായാണ് ഇറാനെതിരെ യു.എസ് ആക്രമണങ്ങള്‍ നടത്തിയതെന്ന് വ്യക്തമാക്കിയ യു.എസ് പ്രസിഡന്റ് ഡൊണാള്‍ഡ് ട്രംപ്. ഇറാന്‍ ഇനിയും ആക്രമണങ്ങള്‍ തുടര്‍ന്നാല്‍ അതിശക്തമായി തിരിച്ചടിക്കുമെന്ന് മുന്നറിയിപ്പ് നല്‍കി. ഇറാൻ തീരദേശ നഗരമായ ചബഹാറില്‍ യു.എസ് നടത്തിയ ആക്രമണത്തിന് പിന്നാലെയുണ്ടായ തീപിടുത്തത്തിന്റെ ചിത്രങ്ങള്‍ പങ്കുവെച്ചുകൊണ്ട് ട്രൂത്ത് സോഷ്യലിലൂടെയാണ് ട്രംപ് തന്റെ നിലപാട് വ്യക്തമാക്കിയത്. ​ഇറാന്റെ ഭാഗത്തു നിന്ന് കൂടുതല്‍ ആക്രമണങ്ങള്‍ ഉണ്ടായാല്‍ കാര്യങ്ങള്‍ കൂടുതല്‍ വഷളാകും. കപ്പലുകള്‍ക്ക് നേരെയുള്ള ആക്രമണങ്ങള്‍ക്ക് മറുപടിയായാണ് ഈ പ്രതികാര നടപടിയെന്ന് ട്രംപ് ട്രൂത്ത് സോഷ്യലിൽ കുറിച്ചു. ഇറാനുമായുള്ള യുദ്ധം അവസാനിപ്പിക്കാനുള്ള ഇടക്കാല കരാര്‍ അവസാനിച്ചതായി പ്രഖ്യാപിച്ച് മണിക്കൂറുകള്‍ക്കകമാണ് ട്രംപിന്റെ ഈ ശക്തമായ മുന്നറിയിപ്പ് വന്നിരിക്കുന്നത്