ഗാസ – 2023 ഒക്ടോബര് ഏഴു മുതല് ഗാസ മുനമ്പില് ഇസ്രായില് ആക്രമണങ്ങളില് കൊല്ലപ്പെട്ടവരുടെ എണ്ണം 73,003 ആയി ഉയര്ന്നു. കുട്ടികളും സ്ത്രീകളും ഉള്പ്പെടെ 1,73,252 പേര്ക്ക് പരിക്കേറ്റു. ആക്രമണം ആരംഭിച്ച് രണ്ട് വര്ഷത്തിന് ശേഷവും തകര്ന്ന വീടുകളുടെയും കെട്ടിടങ്ങളുടെയും അവശിഷ്ടങ്ങള്ക്കടിയില് നിന്ന് രക്തസാക്ഷികളുടെ മൃതദേഹങ്ങള് വീണ്ടെടുക്കുന്നത് തുടരുകയാണ്. കഴിഞ്ഞ 24 മണിക്കൂറിനിടെ ഏഴ് രക്തസാക്ഷികളുടെ മൃതദേഹങ്ങളും പരിക്കേറ്റ ആറു പേരെയും ഗാസയിലെ ആശുപത്രികളില് എത്തിച്ചതായി ഫലസ്തീന് മെഡിക്കല് വൃത്തങ്ങള് റിപ്പോര്ട്ട് ചെയ്തു. ഒക്ടോബര് 10 ന് പ്രാബല്യത്തില് വന്ന വെടിനിര്ത്തല് കരാര് ലംഘിക്കുന്നത് തുടരുന്ന ഇസ്രായില് ദിവസേന ആക്രമണങ്ങള് നടത്തുന്നു.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group