പാലക്കാട്- കേരളത്തിലെ ജനങ്ങളുടെ പെരുമാറ്റം അതിശയിപ്പിക്കുന്നതാണെന്നും പൈസ ആവശ്യമില്ലാത്ത ബസുകളിലേക്ക് സ്ത്രീകൾ തള്ളിക്കയറുകയാണെന്നും ഗതാഗത മന്ത്രി സി.പി ജോൺ. ഫീസ് നൽകി മക്കളെ സ്വകാര്യ സ്കൂളുകളിൽ ചേർക്കുമെന്നും അസുഖം വന്നാൽ ഗവൺമെന്റ് ആശുപത്രിയിലേക്ക് പോകുമെന്നും മന്ത്രി പറഞ്ഞു. എന്നാൽ പണം ആവശ്യമില്ലാത്ത പ്രിയദർശിനി ബസിന് വേണ്ടി കാത്തിരുന്ന് തിക്കിത്തിരക്കി യാത്ര ചെയ്യുകയാണെന്നും മന്ത്രി പറഞ്ഞു.
ഫീസ് ആവശ്യമില്ലാത്ത സ്കൂളുകളിലേക്ക് മക്കളെ അയക്കാതെ വലിയ ഫീസ് നൽകി സ്വകാര്യ സ്കൂളുകളിലേക്ക് അയക്കുകയാണ്. പൊതുവിദ്യാഭ്യാസം, പൊതുഗതാഗതം, പൊതുജനാരോഗ്യം എന്നിവയിൽ കേരളത്തിലെ ആളുകളുടെ പെരുമാറ്റം അതിശയിപ്പിക്കുന്നതാണെന്നും മന്ത്രി പറഞ്ഞു. പ്രിയദർശിനിയിൽ സ്ത്രീകൾ കയറുന്നത് സ്വകാര്യ ബസുകളോടുള്ള ദേഷ്യം കൊണ്ടല്ലെന്നും അവരുടെ കയ്യിൽ പണമില്ലാത്തതുകൊണ്ടാണെന്നും മന്ത്രി പറഞ്ഞു.