സാന്റിയാഗോ: തുടര്‍ച്ചയായ രണ്ട് തോല്‍വിക്ക് ശേഷം റയല്‍ മാഡ്രിഡ് വിജയവഴിയില്‍. ഇന്ന് സ്പാനിഷ് ലീഗില്‍ നടന്ന മല്‍സരത്തില്‍ ഒസാസുനയെ എതിരില്ലാത്ത നാല് ഗോളിന് റയല്‍ പരാജയപ്പെടുത്തി. 34, 61, 69 മിനിറ്റുകളിലായിരുന്നു താരത്തിന്റെ ഗോളുകള്‍. മറ്റൊരു ഗോള്‍ ജൂഡ് ബെല്ലിങ്ഹാമിന്റെ വക 42ാം മിനിറ്റില്‍ ആയിരുന്നു.
സന്തോഷത്തിനൊപ്പം റയലിന് വന്‍ തിരിച്ചടിയും ഇന്ന് ലഭിച്ചു. ബ്രസീലിയന്‍ സൂപ്പര്‍ താരം എഡര്‍ മിലിറ്റാവോ പരിക്കേറ്റ് പുറത്തായി. മല്‍സരം തുടങ്ങി അരമണിക്കൂറിന് ശേഷമാണ് മിലിറ്റാവോയ്ക്ക് പരിക്കേറ്റത്. താരത്തിന് എസിഎല്‍ ഇഞ്ചുറിയാണ്.
ഒരു വര്‍ഷത്തോളം പുറത്തിരിക്കേണ്ട പരിക്കാണ് മിലിറ്റാവോ നേരിട്ടത്. മിലിറ്റാവോയ്ക്ക് പകരം റൗള്‍ അസന്‍സിയോയാണ് റയലിനായി ഇറങ്ങിയത്. താരത്തിന്റെ അരങ്ങേറ്റ മല്‍സരമായിരുന്നു. ജൂഡ് ബെല്ലിങ്ഹാമിന്റെ ഗോളിന് അസിസ്റ്റ് ഒരുക്കാനും പുതുമുഖ താരത്തിനായി. നിലവില്‍ ലൂക്കാസ് വാസ്‌കസ്, റൊഡ്രിഗോ എന്നിവരും റയല്‍ നിരയില്‍ പരിക്കിന്റെ പിടിയിലാണ്.