ജിദ്ദ- സൗദി അറേബ്യ ഇതാദ്യമായി ആതിഥേയത്വം വഹിക്കുന്ന വേൾഡ് റാലി ചാമ്പ്യൻഷിപ്പ് (WRC) ജിദ്ദയിൽ പുരോഗമിക്കുന്നു. ജമീൽ മോട്ടോർസ്പോർട്‌സ് മുഖ്യ സ്പോൺസർമാരായ വേൾഡ് റാലി ചാമ്പ്യൻഷിപ്പിന്റെ അവസാന റൗണ്ടായ “Saudi Rally 2025” ആണ് നാളെ സമാപിക്കും. സൗദി അറേബ്യയുടെ സ്പോർട്സ് ചരിത്രത്തിലെ ഏറ്റവും പുതിയ അധ്യായമാണ് സൗദി റാലി 2025. സൗദി സ്പോർട്സ് മന്ത്രാലയത്തിന്റെ മേൽനോട്ടത്തിൽ, സൗദി ഓട്ടോമൊബൈൽ & മോട്ടോർസൈക്കിൾ ഫെഡറേഷൻ നേതൃത്വത്തിൽ, സൗദി മോട്ടോർസ്പോർട്‌സ് കമ്പനിയുടെ പ്രമോഷനോടെയാണ് റാലി നടക്കുന്നത്.
കായികമേഖലയ്ക്ക് നമ്മുടെ രാജ്യം നൽകുന്ന അഭൂതപൂർവമായ പിന്തുണയാണ് ഈ മേഖലയെ വേഗത്തിൽ മുന്നോട്ട് കൊണ്ടുപോകുന്ന പ്രധാന ശക്തിയെന്ന് സ്പോർട്സ് മന്ത്രി കൂടിയായ സൗദി ഒളിമ്പിക്, പാരാലിമ്പിക് കമ്മിറ്റി പ്രസിഡന്റ് പ്രിൻസ് അബ്ദുൽഅസീസ് ബിൻ തുർക്കി ബിൻ ഫൈസൽ പറഞ്ഞു.
നാല് ദിവസങ്ങളിലായി 17 ഘട്ടങ്ങളാണ് അവസാന റൗണ്ടിലുള്ളത്. 25 രാജ്യങ്ങളിൽ നിന്നുള്ള 82 ഡ്രൈവർമാരും കോ-ഡ്രൈവർമാരും മൂന്ന് വിഭാഗങ്ങളിൽ മത്സരിക്കും. 1,218 കിലോമീറ്റർ ദൂരമുള്ള വൈവിധ്യമാർന്ന റൂട്ടിലൂടെയാണ് റാലി സഞ്ചരിക്കുക, ഇതിൽ 319 കിലോമീറ്റർ പ്രത്യേക ടൈമിംഗ് സ്റ്റേജുകളാണ്.”