യുണൈറ്റഡ് – പത്തുപേരായി ചുരുങ്ങിയ എവർട്ടണിനോട്‌ തോൽവിയറിഞ്ഞ് മാഞ്ചസ്റ്റർ യുണൈറ്റഡ്. ഇംഗ്ലീഷ് പ്രീമിയർ ലീഗിൻറെ പന്ത്രണ്ടാം റൗണ്ടിൽ സ്വന്തം തട്ടകമായ ഓൾഡ് ട്രാഫോഡിൽ നടന്ന മത്സരത്തിൽ ഏകപക്ഷീയമായ ഒരു ഗോളിനാണ് ചെകുത്താന്മാർ പരാജയപ്പെട്ടത്. കീർനൻ ഡ്യൂസ്ബറി-ഹാൾ നേടിയ ഗോളാണ് അതിഥികൾക്ക് ജയം സമ്മാനിച്ചത്.
മത്സരം തുടങ്ങി പതിമൂന്നാം മിനുറ്റിൽ തന്നെ എവർട്ടൺ താരം ഇദ്രിസ്സ ഗുയേ സഹതാരം മൈക്കൽ കീനിന്റെ മുഖത്തടിച്ചതിനെ തുടർന്ന് ചുവപ്പ് കാർഡ് കണ്ടു പുറത്തായി. 10 പേരായി ചുരുങ്ങിയെങ്കിലും എവർട്ടൺ പോരാട്ടവീര്യം കൈവിട്ടിരുന്നില്ല. തുടർന്ന് 29-ാം മിനുറ്റിൽ യുണൈറ്റഡ് പ്രതിരോധനിരയെ കബളിപ്പിച്ച് ഡ്യൂസ്ബറി-ഹാൾ ഒരു അത്യുഗ്രൻ ഷോട്ടിലൂടെ പന്ത്‌ വലയിലാക്കി ടീമിന് ലീഡ് നൽകി. പരാജയം മണുത്ത യുണൈറ്റഡ് തിരിച്ചടിക്കാനായി പരമാവധി ശ്രമിച്ചെങ്കിലും എവർട്ടൺ പ്രതിരോധനിരയുടെയും ഗോൾ കീപ്പർ പിക്ഫോഡിന്റെയും പ്രകടനം തിരിച്ചടിയായി.
അഞ്ചു മത്സരങ്ങൾക്ക് ശേഷമാണ് യുണൈറ്റഡ് ലീഗിൽ പരാജയപ്പെടുന്നത്. 12 മത്സരങ്ങളിൽ 18 പോയിന്റുള്ള യുണൈറ്റഡ് നിലവിൽ പട്ടികയിൽ പത്താം സ്ഥാനത്താണ്. ഇതേ പോയിന്റുമായി എവർട്ടൺ തൊട്ടു പിറകിൽ ഉണ്ട്