മയക്കുമരുന്ന് ശേഖരവുമായി രണ്ടംഗ സംഘം അറസ്റ്റിൽ

റിയാദ്: വൻ മയക്കുമരുന്ന് ശേഖരവുമായി രണ്ടു സ്വദേശി യുവാക്കളെ റിയാദ് ഹൈവേ സുരക്ഷാ സേന അറസ്റ്റ് ചെയ്തു. സംഘം സഞ്ചരിച്ച കാറിൽ ഒളിപ്പിച്ചുവെച്ച നിലയിൽ 1,50,255 ലഹരി ഗുളികകൾ കണ്ടെത്തി. നിയമാനുസൃത നടപടികൾ സ്വീകരിച്ച് പ്രതികളെ ബന്ധപ്പെട്ട വകുപ്പുകൾക്ക് കൈമാറി.

മയക്കുമരുന്ന് കടത്തുമായും വിതരണവുമായും ബന്ധപ്പെട്ട വിവരങ്ങൾ മക്ക, റിയാദ്, കിഴക്കൻ പ്രവിശ്യകളിൽ 911 എന്ന നമ്പറിലും മറ്റു പ്രവിശ്യകളിൽ 999 എന്ന നമ്പറിലും 995 എന്ന നമ്പറിൽ ജനറൽ ഡയറക്ടറേറ്റ് ഫോർ നാർകോട്ടിക്‌സ് കൺട്രോളിലും ബന്ധപ്പെട്ട് അറിയിക്കണമെന്ന് സുരക്ഷാ വകുപ്പുകൾ സൗദി പൗരന്മാരോടും വിദേശികളോടും ആവശ്യപ്പെട്ടു. മയക്കമരുന്ന് കടത്ത്, വിതരണക്കാരെ കുറിച്ച് നൽകുന്ന വിവരങ്ങൾ എന്നിവ രഹസ്യസ്വഭാവത്തോടെ കൈകാര്യം ചെയ്യുമെന്നും സുരക്ഷാ വകുപ്പുകൾ വ്യക്തമാക്കി.