ഇറാനുമായി ഒരു മോശം കരാറിന് അനുവദിക്കില്ലെന്ന് നെതന്യാഹു

തെൽ അവീവ്– ഇറാനുമായുള്ള യുഎസ് ചർച്ചകളുടെ പശ്ചാത്തലത്തിൽ കടുത്ത നിലപാടുമായി ഇസ്രായിൽ പ്രധാനമന്ത്രി ബെഞ്ചമിൻ നെതന്യാഹു. ഇറാനുമായി ദോഷകരമായ ഒരു കരാറിൽ എത്തിച്ചേരുന്നത് തന്റെ രാജ്യം തടയുമെന്ന് അദ്ദേഹം പ്രഖ്യാപിച്ചു. ഇറാൻ നിലവിൽ തകർച്ചയിലാണെന്നും അതിന്റെ ശക്തി ക്ഷയിച്ചുകൊണ്ടിരിക്കുകയാണെന്നും നെതന്യാഹു അവകാശപ്പെട്ടു. ഇസ്രായിലിനെ ഇതുവരെയില്ലാത്ത ഉന്നത സ്ഥാനത്തേക്ക് എത്തിക്കാനാണ് സർക്കാർ പരിശ്രമിക്കുന്നതെന്നും അദ്ദേഹം കൂട്ടിച്ചേർത്തു.