എഴുത്തുകാരനും വീക്ഷണം പത്രത്തിന്റെ മുൻ മുഖ്യ പത്രാധിപരുമായ കെ.എൽ മോഹനവർമ ബി.ജെ.പിയിലേക്ക്

കൊച്ചി: സംഗീത സംവിധായകൻ മോഹൻ സിതാര ബി.ജെ.പിയിൽ ചേർന്നതിന് പിന്നാലെ പ്രശസ്ത എഴുത്തുകാരനും വീക്ഷണം പത്രത്തിന്റെ മുൻ മുഖ്യ പത്രാധിപരുമായ കെ.എൽ മോഹനവർമയും ബി.ജെ.പിയിലേക്കെന്ന് വിവരം.

വ്യാഴാഴ്ച വീട്ടിൽ വച്ച് ബി.ജെ.പിയുടെ എറണാകുളം ജില്ലാ അംഗത്വ ക്യാമ്പയിന് തുടക്കം കുറിച്ചാകും കെ.എൽ മോഹനവർമ അംഗത്വം സ്വീകരിക്കുക. കേരള സാഹിത്യ അക്കാദമി അവാർഡ് ജേതാവായ മോഹനവർമ്മ വീക്ഷണം പത്രത്തിന്റെ മുഖ്യ പത്രാധിപരായി സേവനമനുഷ്ഠിച്ചിട്ടുണ്ട്. നോവലിസ്റ്റും ഹാസ്യ സാഹിത്യകാരനുമായ അദ്ദേഹം നിരവധി നോവലുകൾ എഴുതിയിട്ടുണ്ട്. ഇതിൽ ഓഹരി, ക്രിക്കറ്റ്, സ്റ്റോക്ക് എക്‌സ്‌ചേഞ്ച് തുടങ്ങിയ നോവലുകൾ ഏറെ ശ്രദ്ധിക്കപ്പെട്ടവയാണ്. കേന്ദ്രസർക്കാർ ഉദ്യോഗത്തിൽനിന്ന് സ്വയം വിരമിച്ച അദ്ദേഹം, ഒന്നരവർഷം സാഹിത്യ അക്കാദമി സെക്രട്ടറിയായും സേവനമനുഷ്ഠിച്ചിട്ടുണ്ട്.