ഗ്രീക്ക് കപ്പലിന് നേരെ ഹൂത്തികളുടെ ആക്രമണം, വീഡിയോ പുറത്തുവിട്ട് ഹൂത്തികൾ

ജിദ്ദ- ഗ്രീക്കിന്റെ ഉടമസ്ഥതയിലുള്ള ചരക്കു കപ്പലിന് നേരെ ഹൂത്തികളുടെ ആക്രമണം. അപ്രതീക്ഷിത ആക്രമണം നടത്തിയാണ് കപ്പൽ മുക്കിയത്. വേഷം മാറിയെത്തിയായിരുന്നു ആക്രമണം. ഇക്കഴിഞ്ഞ 12നാണ് ആക്രമണം നടത്തിയത്. ഇതിന്റെ വീഡിയോ ഇന്ന് ഹൂത്തികൾ പുറത്തുവിട്ടു. ഗ്രീക്ക് ഉടമസ്ഥതയിലുള്ള എംവി ട്യൂട്ടർ എന്ന വ്യാപാരക്കപ്പലിന് നേരെയാണ് ആക്രമണം നടന്നത്.

യെമനിലെ അൽ ഹുദൈദയിൽ നിന്ന് 66 നോട്ടിക്കൽ മൈൽ തെക്കുപടിഞ്ഞാർ ഭാഗത്തായിരുന്നു ആക്രമണം. ലൈബീരിയയിൽനിന്ന് കൽക്കരി കയറ്റിയ ശേഷം ഈജിപ്തിൽ ഇറക്കി തുടർന്ന് ഇന്ത്യയിലേക്കുള്ള യാത്രയിലായിരുന്നു കപ്പൽ.

5 മുതൽ 7 മീറ്റർ വരെ നീളമുള്ള കപ്പലാണിത്. സാധാരണ മത്സ്യബന്ധന ബോട്ടിലെത്തി മിന്നലാക്രമണം നടത്തിയാണ് ഹൂത്തികൾ ബോട്ട് മുക്കിയത്. വൻ സ്ഫോടനത്തിന്റെ ദൃശ്യങ്ങൾ ഹൂത്തികൾ പുറത്തുവിട്ടു വീഡിയോയിലുണ്ട്.