വടകര : ഷാഫി പറമ്പിലിന്റെ എം.പി ഓഫീസ് വടകരയില് മുതിർന്ന കോൺഗ്രസ് നേതാവ് മുല്ലപ്പള്ളി രാമചന്ദ്രന് ഉദ്ഘാടനം ചെയ്തു. ഉദ്ഘാടന സമയത്ത് തന്നെ വിവിധ ആവശ്യങ്ങളുമായി എത്തിയവരേറെ. ഉദ്ഘാടന സമയത്തിന് വളരെ മുമ്പേ തന്നെ ആളുകളെത്തിയിരുന്നു. ഓഫീസിനകത്തേക്ക് കയറാന് ഷാഫിയും,ഉദ്ഘാടകനും, മറ്റ് യു.ഡി.എഫ്,ആര്.എം.പി.ഐ നേതാക്കളും,മാധ്യമ പ്രവര്ത്തകരും ഏറെ പണിപ്പെട്ടു.
ഉദ്ഘാടനം കഴിഞ്ഞതിന് ശേഷം നിവേദക സംഘം എം.പിക്ക് ചുറ്റും കൂടി. ജനങ്ങളുടെ സൗകര്യത്തിന് ഷാഫി ഓഫീസിന് പുറത്തിറങ്ങിയാണ് നിവേദനം സ്വീകരിച്ചത്. നാടിന്റെ വികസന ആവശ്യങ്ങള്ക്ക് പുറമെ പല ഓഫീസുകളുല് നിന്നും നടക്കാത്ത കാര്യങ്ങള് ശരിയാക്കി കിട്ടാനും ആവശ്യക്കാരെത്തി. അത്തരം ആവശ്യങ്ങള്ക്ക് ബന്ധപ്പെട്ടവരെ വിളിക്കാനും എം.പി തയ്യാറായി.
ജാതി,മത,രാഷ്ട്രീയ വ്യത്യാസമില്ലാതെ ഓഫീസില് ആവശ്യങ്ങള്ക്കായി ആര്ക്കും വരാമെന്നും,അടുത്ത് തന്നെ ഓഫീസില് വരാതെ പരാതികള് ഫോണ് വഴി അറിയിക്കാന് സൗകര്യമൊരുക്കുമെന്നും എം.പി പറഞ്ഞു.