കോഴിക്കോട്: പ്രവാസി ലീഗ് സംസ്ഥാന കമ്മിറ്റിയിലെ ഒഴിവുകൾ നികത്തി. സംസ്ഥാന വൈസ് വൈസ് പ്രസിഡന്റായി പി.എം.എ ജലീലിനെയും (മലപ്പുറം) സെക്രട്ടറിയായി ഷുഹൈബ് അബ്ദുല്ലക്കോയ(ആലപ്പുഴ)യെയും തെരെഞ്ഞെടുത്തു.
കോഴിക്കോട് ചേർന്ന പ്രവാസി ലീഗ് കൗൺസിൽ യോഗം ഭാരവാഹികളുടെ ഒഴിവ് നിക്കത്താൻ സംസ്ഥാന കമ്മിറ്റിയെ അധികാരപ്പെടുത്തിന്റെ ഭാഗമായി ചേർന്ന സംസ്ഥാന ഭാരവാഹി യോഗമാണ് പുതിയ ഭാരവാഹികളെ നിയോഗിച്ച തീരുമാനം അറിയിച്ചത്.
ഏറെ കാലം ജിദ്ദ പ്രവാസിയായിരുന്ന പി.എം.എ ജലീൽ ജിദ്ദ കെ.എം.സി.സി സെൻട്രൽ കമ്മിറ്റി വൈസ് പ്രസിഡന്റ്, ജിദ്ദ കെ.എം.സി.സി കുടുംബ സുരക്ഷ പദ്ധതി ചെയർമാൻ, ജിദ്ദയിലെ മുഴുവൻ സംഘടനകളുടെയും കൂട്ടായ്മയായ
ജിദ്ദ കേരളൈറ്റ്സ് ഫോറം (ജെ.കെ.എഫ് )കൺവീനർ, ജിദ്ദ ഹജ്ജ് വെൽഫെയർ ഫോറം വൈസ് ചെയർമാൻ, PSMO കോളേജ് അലുംനി അസോസിയേയേഷൻ ചെയർമാൻ, ജിദ്ദ തിരുരങ്ങാടി മുസ്ലിം വെൽഫെയർ ലീഗ് പ്രസിഡന്റ്, ദയ ചാരിറ്റി സെന്റർ ജിദ്ദ ചാപ്റ്റർ പ്രസിഡന്റ് എന്നീ പദവികൾ വഹിച്ചിട്ടുണ്ട്. നാട്ടിലും പ്രവാസി ലീഗ്, മുസ്ലിം ലീഗ് പ്രവർത്തനങ്ങളിൽ സജീവമാണ്. കോൺസുലേറ്റ് ഓഫ് ഇന്ത്യ ജിദ്ദയുടെ എക്സലന്റ് വൊളന്ററി സർവീസ് അവാർഡിന് അർഹനായിട്ടുണ്ട്.