തീപ്പന്തമെറിഞ്ഞ് പോലീസിനെ കൊല്ലാൻ ശ്രമിച്ചു; ക്ലിഫ് ഹൗസ് മാർച്ചിൽ യൂത്ത് കോൺ​ഗ്രസ് പ്രവർത്തകർക്കെതിരെ കേസെടുത്ത് പോലീസ്

തിരുവനന്തപുരം– മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിലേക്ക് മാർച്ച് നടത്തിയ യൂത്ത് കോൺഗ്രസ് പ്രവർത്തകർക്കെതിരെ വധശ്രമത്തിന് കേസ് രജിസ്റ്റർ ചെയ്തു. തീപ്പന്തങ്ങൾ വലിച്ചെറിഞ്ഞ് പോലീസിനെ കൊല്ലാൻ ശ്രമിച്ചതായാണ് എഫ്ഐആർ വ്യക്തമാക്കുന്നത്. 28 പേർക്കെതിരെയാണ് നടപടി.

പ്രതിപക്ഷനേതാവിൻ്റെ വസതിയിലേക്കുള്ള എസ്എഫ്ഐ മാർച്ചിലും ഷാഫി പറമ്പിലിനെ തടഞ്ഞതിലും പ്രതിഷേധിച്ചായിരുന്നു കോൺ​ഗ്രസിന്റെ രാത്രി മാർച്ച്. പന്തവുമായെത്തിയ യൂത്ത് കോൺഗ്രസ് പ്രവർത്തകർ അത് പോലീസിന് നേരെ വലിച്ചെറിയുകയായിരുന്നു. പൊലീസ് ലാത്തി വീശിയാണ് പ്രവർത്തകരെ പിരിച്ചുവിട്ടത്. മ്യൂസിയം പോലീസ് സ്റ്റേഷൻ എസ്ഐയെ പരാതിക്കാരനാക്കി കേസ് രജിസ്റ്റർ ചെയ്തു.