കൊച്ചി: പറവൂര്‍ ചേന്ദമംഗലത്ത് ഒരു കുടുംബത്തിലെ മൂന്നു പേരെ വെട്ടിക്കൊലപ്പെടുത്തി. അയല്‍വാസികള്‍ തമ്മിലുള്ള തര്‍ക്കത്തിനിടെയാണ് കൊലപാതകം. വേണു, വിനീഷ, ഉഷ എന്നിവരാണ് മരിച്ചത്. പ്രതിയായ ഇവരുടെ അയല്‍വാസി റിതുവിനെ (28) പൊലീസ് കസ്റ്റഡിയില്‍ എടുത്തിട്ടുണ്ട്. അക്രമിയുടെ വെട്ടേറ്റു ഗുരുതര പരുക്കേറ്റ കുടുംബത്തിലെ മറ്റൊരാളെ പറവൂര്‍ താലൂക്ക് ആശുപത്രിയില്‍ പ്രവേശിപ്പിച്ചു. ഇന്നു വൈകിട്ടോടെയാണു സംഭവം.
കൊലപാതക വിവരമറിഞ്ഞു വടക്കേക്കര പൊലീസ് സ്ഥലത്തെത്തി പ്രതിയെ കസ്റ്റഡിയില്‍ എടുക്കുകായിരുന്നു. വ്യക്തി വിരോധമാണ് ആക്രമണത്തിന് പിന്നിലെന്നാണു പ്രാഥമിക നിഗമനം. മാരകായുധവുമായി വീട്ടിലേക്ക് കയറി വന്ന റിതു ഇവരെ വെട്ടുകയായിരുന്നു. തടയാനെത്തിയവര്‍ക്കും വെട്ടേറ്റിട്ടുണ്ട്.
ഏറ്റവും പുതിയ വാർത്തകൾ വാട്സാപ്പിൽ ലഭിക്കാൻ Join Our WhatsApp Group